Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
Viðurkenning fræðsluráðs Hafnarfjarðar er veitt á hverju ári fyrir verkefni í skólastarfi sem ýta undir skólaþróun, fagsamvinnu og samstarf. Leikskólinn Smáralundur hlaut í vikunni viðurkenningu fyrir fjölbreyttan heilsueflandi skóla, Setbergsskóli fyrir lestur og ritun á yngsta kennslustigi og Víðistaðaskóli fyrir námsumhverfið veröld fyrir tvítyngda nemendur.
Innleiða núvitund í leikskólastarfið
Leikskólinn Smáralundur í Hafnarfirði hefur verið heilsueflandi leikskóli frá árinu 2016. Leikskólinn leggur mikla áherslu á daglega hreyfingu innan jafnt sem utanhúss og eru leiðarljós skólans; hreyfing, hollusta og vellíðan daglega sett á oddinn. Með því er lagður grunnur að líkamlegri, andlegri og félagslegri velferð barnanna til framtíðar. Eitt af markmiðum leikskólans er að efla hreyfifærni barna ásamt því að stuðla ávallt að fjölbreyttu og heilsusamlegu fæðuvali. Í dag vinnur leikskólinn að þriggja ára þróunarverkefni en hann hlaut árið 2018 styrk úr lýðheilsusjóði til þess að innleiða núvitund í leikskólastarfið. Smáralundur er með því verið að stíga enn frekara skref í átt að heilsueflandi sjónarmiðum sem stuðla jafnt að andlegu og líkamlegu heilbrigði barna og starfsfólks. Markmið núvitundar er að stuðla að meiri ró, betri sjálfsstjórn og aukinni einbeitingu auk almennrar vellíðunar. Þetta verkefni hefur verið unnið af mikilli fagmennsku og síðast en ekki síst hefur það haft jákvæð áhrif á staðblæ skólans jafnt sem starfsánægju.
Kennslan sjálf verður miðpunktur athyglinnar
Síðastliðin fimm skólaár hefur Setbergsskóli unnið að þróun lestrar- og ritunarkennslu í upphafi grunnskólans með aðlögun á kennsluaðferðinni bein kennsla (e. direct instruction) inn í daglegt starf á yngsta stigi skólans. Verkefnið byrjaði sem þriggja ára rannsóknarverkefni með Háskóla Íslands og síðustu tvö ár hefur skólinn haldið áfram að þróa verkefnið á eigin vegum. Í þessari þróun á lestrar- og ritunarkennslu hefur skólinn aðlagað umrædda kennsluaðferð að íslensku skólastarfi og bætt við hana, til dæmis ritunarþætti og ýmsu lestrarefni frá MMS. Jafnframt hafa kennarar á yngsta stigi Setbergsskóla unnið að margvíslegu fagsamráði til að styðja hvern annan í því að ná tökum á aðferðinni, rætt saman um leiðir til að styðja einstaka nemendur, skipulagt flókið kennslusamráð og búið til efni sem hentar í lestrar- og ritunarkennslu skólans. Innleiðingin var þannig þróun á langri hefð lestrarkennslu í skólanum sem byggðist á hljóðaaðferðinni sem áfram er til staðar en nýtt í víðara samhengi en áður. Kennarar hafa með þátttöku í þessari samvinnu unnið að því að efla eigin fagmennsku, séð aðferðina skila góðum árangri í lestrar- og ritunarkennslu sem hafi bætt við getu nemenda og sýnt sig að vera kennsluframkvæmd sem styður við hugmyndir um menntun fyrir alla. Jafnframt verður að segja að innleiðing á þessu verkefni í Setbergsskóla endurspegli gott dæmi um jákvæðar breytingar í skólastarfi þar sem kennslan sjálf verður miðpunktur athyglinnar, þ.e. námsárangur nemenda, fagsamvinna kennara og aðlögun kennslukenninga að staðbundnum aðstæðum.
Aðstoð við aðlögun að bekkjarstarfi, skóla og samfélagi
Veröld er sérstakt námsúrræði sem Víðistaðaskóli hefur byggt upp á síðustu þremur árum. Það hefur það hlutverk að taka á móti öllum nýjum tvítyngdum nemendum skólans og hjálpa til við aðlögun þeirra að bekkjarstarfi, skólanum og íslensku samfélagi. Sem námsúrræði styður Veröld íslenskunám nemenda með sérstakri kennslu í aðstöðu Veraldar í starfsstöðinni við Víðistaðatún en það er einnig með útibú í Engidalnum. Einnig hjálpar Veröld nemendum að aðlagast bekkjarstarfi og taka virkan þátt í daglegu skólastarfi með þeim viðfangsefnum í skólastarfinu sem nemendur takast á við í hverjum árgangi. Þá ýtir Veröld undir félagslega virkni nemenda, t.d. með sérstökum heimsóknum fyrir þá út fyrir skólann, t.d. á Þjóðminjasafnið, í leikhús og á söfnin í Hafnarfirði. Starfsmenn Veraldar eru íslenskir kennarar með fjölbreytta tungumálakunnáttu en einnig eru starfsmenn úrræðisins af erlendu bergi. Sérstaða Veraldar er að það er eins konar samhæfingarmiðstöð skólans við móttöku á tvítyngdum nemendum sem sér um að skipuleggja nám þeirra og tryggja sem heppilegasta aðlögun nemenda inn í daglegt skólastarf uns þeir þurfi ekki á þjónustu hennar að halda. Á þessum þremur árum sem starfsemin hefur verið skipulögð hefur starfsemin þróast og mótast og er komin til að vera.
Viðurkenningarathöfn fer fram í hverjum skóla þar sem starfsfólk skólans fær viðurkenningarskjöld, blómvönd og veitingar. Óskað er eftir tilnefningum til viðurkenninga og geta allir sent inn tilnefningar.
Yfir 4.000 gestir mættu á búninga- og leikjasamkomuna Heimar og Himingeimar í Hafnarfirði um helgina. Bókasafn bæjarins stóð að samkomunni…
Opnað hefur verið fyrir umsóknir í Jólaþorpið á Thorsplani í Hafnarfirði 2024. Sem fyrr vill Jólaþorpið fá til liðs við…
Hittu hamingjuna í Hafnarfirði í september. Fjöldi viðburða sem efla andann, bæta líðan okkar og hvetja okkur til að auka…
Búist er við fjölda gesta á búninga- og leikjasamkomunni Heimar og Himingeimar í Hafnarfirði um helgina. Hátíðin hefst kl. 17.…
Hafnarfjarðarbær hefur gengið frá kaupum á nýju húsnæði fyrir Bókasafn Hafnarfjarðar í verslunarmiðstöðinni Firði. Nútímavæða á 102 ára gamla bókasafn…
Hafnarfjarðarbær vekur athygli á möguleika fatlaðs fólks sem þarfnast sértæks stuðnings vegna fötlunar sinnar til að sækja um styrki skv.…
Það var sannkallað stuð fyrir alla fjölskylduna í brakandi blíðu á glæsilegri hátíð í Hellisgerði í gær. Þar mátti heyra…
Búninga- og leikjasamkoman Heimar og himingeimar verður haldin á Bókasafni Hafnarfjarðar 30. ágúst til 1. september. Þar munu ævintýrin gerast.
Báðir álfar en þó ekki bræður, Íþróttaálfurinn og Benedikt búálfur, verða meðal þeirra sem verða á kreiki í Hellisgerði sunnudaginn…
Nýtt skólaár innan grunnskóla Hafnarfjarðarbæjar hefst á morgun og munu um 4.100 börn og ungmenni setjast á skólabekk þetta haustið.…