Automatic translation by Google Translate. We cannot guarantee that it is accurate.

Vegna lyktarmengunar á afmörkuðum svæðum

Tilkynningar

Uppfært 30.12.2022: Skýring á ólykt/lyktarmengun er að öllum líkindum fundin en talið er að orsökin sé biluð olíuskilja. Búið er að gera við bilunina og vonandi lagast lyktin fljótlega nú þegar leki í kerfinu hefur verið uppgötvaður. Það fer eftir því hversu fljótt kerfið er að hreinsa sig.

Uppfært 30.12.2022: Skýring á ólykt/lyktarmengun er að öllum líkindum fundin en talið er að orsökin sé biluð olíuskilja. Búið er að gera við bilunina og vonandi lagast lyktin fljótlega nú þegar leki í kerfinu hefur verið uppgötvaður. Það fer eftir því hversu fljótt kerfið er að hreinsa sig.

Vegna lyktarmengunar frá niðurföllum á afmörkuðum svæðum

Nokkuð mikið hefur verið um ábendingar vegna lyktarmengunar frá niðurföllum í ákveðnum hverfum bæjarins en mest hefur borið á þessari mengun í vesturhluta bæjarins. Í samstarfi við Heilbrigðiseftirlitið hefur starfsfólk Hafnarfjarðarbæjar gripið til ýmissa aðgerða í þeim tilgangi að finna upptökin en það hefur reynst erfitt.

Meðal þess sem nú þegar hefur verið gert:

  • Starfsfólk hefur farið í fyrirtæki sem vitað er að ýmiskonar hreinsiefni eru notuð eins og t.d. bónstöðvar en ekki orðið vör við neitt óvenjulegt
  • Starfsfólk hefur haft samband við bensínstöðvar og óskað eftir að þeirra kerfi séu yfirfarin
  • Starfsfólk hefur gengið um þau svæði þar sem flestar ábendingar berast og reynt að átta sig á uppruna mengunarinnar
  • Starfsfólk hefur farið um og opnað brunna til að átta sig á hvar hugsanleg upptök eru og athuga þá bæði hvort olíubrák er að sjá eða lykt af olíu eða öðrum álíka efnum er að finna
  • Reynt hefur verið að skola kerfið út og var það gert á þorláksmessu

Enn hafa þessar aðgerðir ekki skilað þeim árangri sem vonast hefur verið eftir þ.e. að finna upprunann og uppræta. Gripið verður til frekari skolunar í kerfinu í þessari viku með því að láta mikið magn af vatni í brunna ofarlega í kerfinu auk þess sem lagnir verða myndaðar nálægt þeim stöðum sem mestar líkur eru taldar á mengun.

Allar ábendingar óskast sendar í gegnum ábendingagátt bæjarins 

Ábendingagátt