Aðstandendum, gestum og gangandi er boðið á opið hús þann 16. apríl næstkomandi milli 13 og 16. Tilefnið er opnun Miðstöðvar vinnu og virkni, nýs sameinaðs vinnu- og virkni úrræðis fyrir fatlað fólk í Hafnarfirði. Tækifæri gefst þá á að kynna sér fjölbreytta starfsemi innan deilda Miðstöðvarinnar.
Opið hús verður bæði á Selhellu 7, þar sem Umhverfisvaktin er til húsa, og á Suðurgötu 14, bæði á fyrstu hæð þar sem tjáskipti og skynörvunarhluti Miðstöðvarinnar er staðsettur sem og á annarri hæð þar sem áhersla er lögð á líkamlega- og félagslega virkni.
Miðstöðvarkórinn mun svo loka deginum með nokkrum góðum lögum sem valin voru af kórmeðlimum.“
Auglýsing um skipulag – Hafnarfjarðarbær Bæjarstjórn Hafnarfjarðar samþykkti á fundi sínum þann 25. febrúar 2026 að auglýsa breytingu á deiliskipulagi…
