Sjómannadagurinn engum líkur í Hafnarfirði

Sunnudaginn 7. júní verður Sjómannadagurinn haldinn hátíðlegur í Hafnarfirði með fjölbreyttri dagskrá sem heiðrar sjómenn og tengsl bæjarins við sjóinn.

Já, Hafnarfjarðarbær hefur skorað á hvert hverfi fyrir sig að taka þátt í kappróðrinum þetta árið. Hvaða hverfi býr yfir öflugustu ræðurunum? Hvaða skipstjóri kemur fleyi sínu fyrst í höfn?

Sjómannadagurinn er hlaðinn kræsingum þetta árið sem fyrr:

• Kaffihlaðborð Kænunnar milli 13-17
• Opið hús í Íshúsi Hafnarfjarðar og Ægi 220
• Memmm leiksmiðja við ævintýrahöfnina milli 13-17
• Keppt verður um hver er sterkasti maður Íslands á höfninni

Já, það er margt í boði og vert að skipuleggja sig svo dagurinn verði fullkominn:

Morgunviðburðir

Kl. 8:00 – Fánar dregnir að húni á hátíðarsvæði við höfnina.

Kl. 10:00 – Lúðrasveit Hafnarfjarðar leikur við Hrafnistu.

Kl. 10:30 – Blómsveigur lagður að minnisvarða sjómanna við Víðistaðakirkju.

Kl. 11:00 – Sjómannadagsmessa í Víðistaðakirkju

Herjólfsgufan við Langeyrarmalir – Gufa og sjór í fullkomnu jafnvægi frá kl. 10:00 til 13:00.

Dagskrá við höfnina milli kl. 13:00–17:00

Kappróður – Spennandi keppni á höfninni frá kl. 13:00 til 14:00.

Sterkasti maður Íslands – Kraftakeppni við hafnarsvæðið frá kl. 13:00 til 16:00.

Skemmtisigling – Sigling í boði Hafnarfjarðarhafnar frá Óseyrarbryggju kl. 13:00–16:30.

Fiskasýning Hafró – Skoðaðu fjölbreytt lífríki sjávar við Háabakka.

Siglingaklúbburinn Þytur – Opið hús frá kl. 13:00 – 17:00 hjá klúbbnum við Strandgötu 88.

Kaffihlaðborð Kænunnar – Njóttu veitinga í Kænunni við höfnina.

Björgúlfur kallar – Kaffi, kökur og koddaslagur við Flensborgarhöfn.

„Viltu koma í sjómann?“ – Kraftakeppni við minnismerkið um veru Þjóðverja í Hafnarfirði.

Þyrla landhelgisgæslunnar – Björgunarsýning Landhelgisgæslunnar

Slökkviliðið við Fornubúðir með bíla og búnað frá kl. 13:30 – 15 – komdu og heilsaðu hetjunum okkar! Björnis mætir einnig á svæðið en hann verður á Sjómannasviðinu kl.15!

Skemmtidagskrá á Sjómannasviðinu frá kl. 13 – 16:30

Kl. 13:00 – 🎸 DAS-bandið

Kl. 13:30 – 🎺 Lúðrasveit Hafnarfjarðar

Kl. 14:00 – 🧑‍✈️ Setning hátíðarinnar og heiðrun Sjómanna

Kl. 14:15 – 🎤 Hreimur tekur lagið

Kl. 14:30  – 💃 Dans Brynju Péturs!

Kl. 14:45 – 🏆 Verðlaunaafhending í kappróðri

Kl. 15:00 –  🐻 Björnis brunabangsi

Kl. 15:10 – 🎙️ Diljá Pétursdóttir

Kl. 15:30  –  🎤 Nice guys

Kl. 15:40 – 🎭 Ragga Hólm

Kl. 16:00 – 🌊 VÆB

Verslun, sýningar og menning

• Opið í SIGN, Fornubúðum 12, frá kl. 13–16, þar sem fallegir skartgripir eru hannaðir og smíðaðir. Sigurður Ingi gullsmiður og eigandi stendur vaktina. 💍 Komdu í heimsókn!
• Gallerí Múkki, Flensborgarhöfn, frá kl. 13-16.
  FLUMBRA, fjelag hafnfirskra rithöfunda mun flytja ljóðadagskrá tileinkaða hafinu og sjómennsku. Lesin verða ljóð og kvæði eftir Örn Arnarson og önnur hafnfirsk skáld og rithöfunda, lífs og liðna.
• Byggðasafn Hafnarfjarðar – Ný sýning í Pakkhúsinu. Opið í Pakkhúsinu, Sívertsen húsinu og Beggubúð frá kl. 11 – 17
• Hafnarborg – Nýjar sýningar. Opið frá kl. 12 – 17.

Veitingastaðir í næsta nágrenni – Fullt af kræsingum á Sjómannadaginn!
Ekki þarf að leita langt – aðeins steinsnar frá hátíðarsvæðinu á Sjómannadaginn bíða þín þín frábærir veitingastaðir við Strandgötu 75, þar sem hægt er að njóta veitinga við allra hæfi:
☕️ Pallett kaffi – Heitt kaffi, ferskar kökur og afslappað andrúmsloft. Fullkomið fyrir hressingu yfir daginn. Opið frá 11:00–17:00.
🍕 Sydhavn-Figo – Létt og lifandi stemming með dásamlegum ítölskum réttum og drykkjum. Opið frá 11:30–23:00.
🍽 Von mathús – Glæsilegt kvöldverðarhús sem býður upp á vandaðan mat í notalegu umhverfi. Opið frá 17:00–21:00.

🎉 Einnig verður fjör á Fjörukránni á Sjómannadaginn þar sem við heiðrum hetjur hafsins – útisvæðið opið, happy hour og popp í boði fyrir börnin, meðan birgðir endast – velkomin frá 11:30.

Gestir eru hvattir til að leggja bílum löglega í bílastæði nálægt viðburðasvæðinu eða í miðbænum og ganga eða taka strætó, því hafnarsvæðið er lokað fyrir bílaumferð á meðan á hátíðarhöldum stendur.

Salernisaðstaða er í Siglingaklúbbnum Þyt, Íshúsi Hafnarfjarðar, Ægi 220, Kænunni, við olíubryggjuna og Hafrannsóknastofnun.

Drónaflug er bannað á hátíðarsvæðinu.

Nánari upplýsingar má finna á vef Hafnarfjarðarbæjar – hfj.is/sjomannadagur

Komdu og njóttu dagsins með fjölskyldu og vinum við höfnina í Hafnarfirði!