Sumardeginum fyrsta 2024 verður fagnað með fjölbreyttum hátíðarhöldum um allan Hafnarfjörð!

Kl. 12 Víðavangshlaup Hafnarfjarðar í miðbæ Hafnarfjarðar

Upphitun hefst á Thorsplani kl. 12. Hlaupið verður eftir Strandgötu og skipt í aldursflokka að lokinni upphitun. Ekkert þátttökugjald er í hlaupið og skráning fer fram með því að mæta á staðinn. Sigurvegarar í flokkum fá bikara og allir keppendur verðlaunapeninga sem eru gefnir af Hafnarfjarðarbæ. Að hlaupi loknu mun frjálsíþróttadeild FH kynna frjálsar íþróttir á Thorsplani þar sem hægt verður að prófa langstökk og kúluvarp. Strandgata verður lokuð fyrir bílaumferð meðan á hlaupinu stendur og þar til skrúðgangan leggur af stað á Víðistaðatún kl. 13:15.

Kl. 13-16 Opið hús hjá Siglingaklúbbnum Þyt, Strandgötu 88

Byrjendum og vönum siglingamönnum er boðið að sigla kayak (9 ára og eldri) eða árabátum og þeir sem hafa reynslu geta siglt kænum ef veður leyfir.

Í allt sumar verður opið hús hjá Siglingaklúbbnum Þyt á fimmtudögum kl. 17 til 22 og laugardögum frá kl. 10 til 13. Allir velkomnir.

Kl. 13 Tónafljóð á Bókasafni Hafnarfjarðar

Kl. 13:15 Skrúðganga frá Thorsplani að Víðistaðatúni

Gengið verður frá Thorsplani út Strandgötu, gegnum Bæjartorg, inn Vesturgötu gegnum Merkurtorg, Vesturtorg og Flókatorg, Flókagötu og beygt inn Hraunbrún og upp Garðaveg og endað á Víðistaðatúni undir lúðrablæstri Lúðrasveitar Tónlistarskóla Hafnarfjarðar.

Kl. 13:30-16 Fjölskyldudagskrá á Víðistaðatúni í umsjón skátafélagsins Hraunbúa

Skemmtileg og fjölbreytt skátadagskrá fyrir alla fjölskylduna á Víðistaðatúni og skátamiðstöðinni Hraunbyrgi. Kaffisala í Hraunbyrgi og söluhús á Víðistaðatúni þar sem til sölu verður ullarsykur, krap og popp o.fl.

• Kassaklifur  
• Klifurveggur 
• Hægt að prófa að grilla sykurpúða og hike brauð við eldstæði  
• Hoppukastalar  
• Bátar á tjörninni  
• Risastórt hengirúm
• Sirkús Íslands mun vera með opna sirkússtöð þar sem fólk getur spreytt sig og lært allskonar trix
• Víkingarnir í Rimmugýg bjóða upp á bogfimi og axarkast
• Frisbígolffélag Hafnarfjarðar býður fólki að reyna fyrir sér í þessari ört stækkandi og skemmtilegu íþrótt

Matarvagnarnir Dons Donuts, Pop Up Pizza og Churros vagninn verða allir á svæðinu!

Kl. 14:00 BMX BRÓS á tennisvellinum á Víðistaðatúni

BMX BRÓS verða á tennivellinum á Víðistaðatúni með hjólasýningu fullri af gleði, húmor og áhættu!  

Kl. 11-15 Opið hús hjá GAJU Gas- og jarðgerðarstöð SORPU. 

Hlökkum til að fagna sumarkomunni með ykkur HEIMA í Hafnarfirði!