Vetrarfrí er í grunnskólum og Tónlistarskóla Hafnarfjarðar fimmtudaginn 19. febrúar og föstudaginn 20. febrúar. Mánudaginn 23. febrúar er síðan sameiginlegur skipulagsdagur leik- og grunnskóla. Af því tilefni býður Heilsubærinn Hafnarfjörður börnum og fjölskyldum þeirra að taka þátt í skemmtilegri dagskrá í vetrarfríinu og finna góðar hugmyndir að skemmtilegri og fjölbreyttri afþreyingu um allan Hafnarfjörð fyrir alla fjölskylduna.

Fimmtudagur 19. febrúar

• Badmintonfélag Hafnarfjarðar frá kl. 10 – 14 – Taktu í spaðann opið hús í Íþróttahúsinu við Strandgötu. Öll velkomin að koma og prófa badminton og borðtennis.
• Hafnarborg frá kl. 13 – 15 – Búum til blóm Í smiðjunni sækja þátttakendur innblástur í sýningu Eggerts Péturssonar, Roða, þar sem litir, lífræn form og náin tengsl við náttúruna eru í forgrunni. Í kjölfarið sköpum við lítil og falleg blóm úr fíngerðum vír og perlum, þar sem unnið er með línu, form og jafnvægi á leikandi og hugmyndaríkan hátt.
• Ásvallalaug frá kl. 14 – 16 – Vatnaboltar í lauginni. Komdu og prófaðu að hlaupa um inní bolta á vatni!
• Frítt á alla viðburði í vetrarfríinu í Hafnarfirði – Frítt allan daginn í Ásvallalaug og Sundhöll Hafnarfjarðar

Föstudagur 20. febrúar

• Hafnarborg frá kl. 13 – 15 – Skrípó-vinnustofa Rithöfundurinn og myndlistarmaðurinn Atla Hrafney mun leiða þátttakendur inn í heim myndasagna, þar sem við spreytum okkur á að skapa eigin persónur, segja sögur með myndum og texta og þróa hugmyndir á frjálsan og leikandi hátt. Smiðjan er tilvalin fyrir þau sem eru alltaf að teikna eitthvað skemmtilegt eða vilja læra að búa til fyndnar myndasögur
• Bókasafn Hafnarfjarðar frá kl. 13 – 15 – Pokémonsmiðja skipti og spil. Krakkar geta komið með spilin sín, bíttað sín á milli, spilað pokémon og meira. Teikningar og teiknimyndir, bardagar og bítti á bókasafninu.
• Byggðasafn Hafnarfjarðar frá kl. 11 – 15 – Brúðusmiðja í Pakkhúsinu frá kl. 11 – 13 og ratleikur fyrir alla fjölskylduna.
• Suðurbæjarlaug frá kl. 13 – 16 – „Sveppurinn fer í gang“ Spil, boltar og núðlur í sveppnum og snáknum!
• Frítt á alla viðburði í vetrarfríinu í Hafnarfirði – Frítt allan daginn í Suðurbæjarlaug og Sundhöll Hafnarfjarðar

Mánudagurinn 23. febrúar

• Bókasafn Hafnarfjarðar frá kl. 16 – 18 – Föndurstund! Allur efniviður á staðnum, allir í góðu skapi og endalaust gaman. Komdu og vertu með!
• Byggðasafn Hafnarfjarðar frá kl. 11 – 15 – Sjónaukasmiðja í Pakkhúsinu frá kl. 11 – 13 og ratleikur fyrir alla fjölskylduna.

Í Hafnarfirði eru margir möguleikar til að létta lundina með útivist og hreyfingu. Á vef Hafnarfjarðarbæjar er hægt að nálgast fullt af hugmyndum af áhugaverðum stöðum að heimsækja, leik- og boltavellir eru víða og fjölmargar göngu- og hjólaleiðir liggja um Hafnarfjörð.

Heilsubærinn Hafnarfjörður óskar íbúum og vinum Hafnarfjarðar gleðilegs vetrarfrís!