Vorsópun er hafin!

Sópun á götum, stéttum og göngustígum í Hafnarfirði hófst á mánudag. Í byrjun er áhersla lögð á sópun á aðalleiðum. Fyrsta hverfið verður sópað 3. apríl og síðasta 2. maí. Bænum er skipt upp í 14 hverfi. Sett verða skilti við hvert hverfi deginum áður en sópað er ásamt því að senda sms á íbúa búsetta í hverfinu um að þeirra hverfi verður sópað.

Tökum virkan þátt og tryggjum góða sópun!

Við biðjum íbúa um að taka virkan þátt þannig að árangurinn verði sem bestur. Nauðsynlegt er að hafa götur auðar af bílum þann dag sem sópað er þannig að mögulegt sé að sópa kantanna á milli. Íbúar og starfsfólk fyrirtækja geta samhliða nýtt tækifærið og sópað í kring hjá sér. Þannig verður heildin miklu fallegri ásýndar.

Hverfaskipting sópunar

Starfað er eftir ákveðinni verkáætlun sem felur í sér sópun á öllum hverfum á tímabilinu 3. apríl til 2. maí. Um leið og hverfasópun er lokið verður farið í háþrýstiþvott, sópun á aðalgötum og helstu safngötum ásamt miðeyjum. Sjá má áætlun á mynd hér fyrir neðan og geta íbúar miðað sópun á plönum sínum og í nærumhverfi við þessa áætlun. Verkáætlun er sett fram með fyrirvara um breytingar sem einna helst geta orðið vegna veðurs (frost) og seinkun hjá verktaka sem sér um sópunina.

Fyrirspurnir og / eða ábendingar

Við viljum gjarna fá ábendingar um það sem betur má fara. Þú getur sett in ábendingu og upplýsingar í ábendingagáttina okkar eða hringt í þjónustuver bæjarins í síma 585 5500. Umhverfis- og skipulagssvið Hafnarfjarðarbæjar á Norðurhellu 2 hefur umsjón með hreinsun gatna og göngustíga.

Sópun gatna – verkáætlun