Bæjarráð

Almenn erindi

• 1212094 – Neysluvatnsvernd og samgöngustefna fyrir Bláfjallasvæði

  Lagt fram erindi heilbrigðiseftirlits Hafnarfjarðar- og Kópavogssvæðis sent í tölvupósti 30. nóvember 2012 varðandi neysluvatnsvernd á Bláfjallasvæðinu.$line$Sviðsstjóri skipulags- og byggingarmála og vatnsveitustjóri mættu á fundinn.

  Bæjarráð þakkar vatnsveitustjóra kynninguna og felur bæjarstjóra að taka upp viðræður við Grindarvíkurbæ varðandi skipulag í Fagradal vegna vatnsöflunar.$line$$line$Bæjarráð tekur einnig undir bókun skipulags- og byggingaráðs auk þess sem ráðið tekur undir ábendingar heilbrigðiseftirlits Hafnarfjarðar- og Kópavogssvæðis.

• 1211298 – Vinna og virkni

  Gerð grein fyrir stöðu málsins.$line$Lagður fram tölvupóstur Sambands ísl. sveitarfélaga dags. 10. desember 2012 varðandi málið.$line$Lögð fram drög að samningi. $line$Verkefnisstjóri verkefnisins mætti á fundinn og fór yfir samningsdrögin.

  Bæjarráð samþykkir fyrirliggjandi samningsdrög og felur bæjarstjóra að undirrita samninginn.$line$$line$Fulltrúar Sjálfstæðisflokksins óska bókað:$line$“Ekki liggur fyrir ennþá hvaða störf eru fyrirhuguð fyrir átak í atvinnumálum og mikilvægt er að endanlegur kostnaður liggi fyrir sem fyrst og rúmist innan fjárhagsáætlunar. Fulltrúar Sjálfstæðisflokksins vænta þess að fyrirhuguð störf á vegum Hafnarfjarðar skili bæjarfélaginu skýrum ávinningi og stuðli að aukinni og varanlegri atvinnuþátttöku atvinnuleitenda.“

• 1212080 – Framtíðarnýting St.Jósefsspítala - tillaga úr bæjarstjórn

  Lögð fram tillaga sem bæjarstjórn Hafnarfjarðar samþykkti á fundi 5. desember 2012 að vísa til skoðunar hjá bæjarráði.$line$Bæjarstjóri upplýsti að þegar er í gangi viðræður varðandi þetta mál.

  Bæjarráð felur bæjarstjóra að fylgja málinu eftir við velferðarráðherra á fyrirhuguðum fundi með honum varðandi þetta og fleiri atriði sem snerta málefni bæjarins. $line$$line$Fulltrúar Sjálfstæðisflokksins óskar bókað:$line$“Bæjarráðsfulltrúar Sjálfstæðisflokksins lýsa yfir ánægju með undirtektir við tillögu sjáflstæðismanna úr bæjarstjórn og að málefni um framtíðarnýtingu St. Jósefsspítala séu komin í farveg.“

• 1212081 – Hagræðing í stjórnsýslu Hafnarfjarðarbæjar - tillaga úr bæjarstjórn

  Lögð fram tillaga sem bæjarstjórn samþykkti á fundi sínum 5. desember 2012 að fela bæjarráði að vinna að.

  Bæjarráð vísar hugmyndum um að leggja niður íþrótta- og tómstundanefnd til fjölskylduráðs, íþrótta- og tómstundanefndar, ÍBH og ungmennaráðs.$line$$line$Bæjarráðsfulltrúar Samfylkingar og Vinstri grænna vísa til þeirrar faglegu vinnu sem liggur fyrir í úttekt frá júní 2011 varðandi stjórnsýslu og fyrirkomulag skipulags-, byggingar- og framkvæmdamála og telur því ekki ástæðu til breytinga á þeim þáttum. Einnig er vísað til skýrslu fagaðila frá apríl 2011 hvað varðar stöðu sviðsstjóra stjórnsýslu. $line$$line$Fulltrúar Sjálfstæðisflokksins óska bókað:$line$“Bæjarráðsfulltrúar Sjálfstæðisflokksins fagna undirtektum við ákveðnum hluta tillögunnar en lýsa yfir vonbrigðum með það að meirihlutinn telji ekki ástæðu til að minnka yfirbyggingu í stjórnsýslu bæjarins og felli tillögur um að slíkar hugmyndir séu teknar til frekari skoðunar aftur.“ $line$$line$“Bæjarráðsfulltrúar Samfylkingar og Vinstri grænna benda á að við endurskoðun á stjórnsýslu bæjarins var framkvæmda veruleg hagræðing á sviðinu og störfum fækkað.“$line$$line$

• 1212076 – Hagkvæmnigreining á úthlutun lóða á Völlum 7.

  Lögð fram tillaga sem bæjarstjórn Hafnarfjarðar samþykkti á fundi 5. desember 2012 að vísa til skoðunar hjá bæjarráði.

  Lagt fram og bæjarstjóra falið að taka saman tiltæk gögn fyrir næsta fund bæjarráðs.

• 1212079 – Samningi um ræstingu í grunnskólum sagt upp - tillaga úr bæjarstjórn.

  Lögð fram tillaga sem bæjarstjórn Hafnarfjarðar samþykkti á fundi 5. desember 2012 að vísa til skoðunar hjá bæjarráði.

  Bæjarráð felur fræðsluráði og fræðslujónustu í samráði við skólastjórnendur að kanna leiðir til að auka hagkvæmni í skólaræstingu.

• 1211350 – Sameining sveitarfélaga á höfuðborgarsvæðinu

  Lagt fram erindi bæjarráðs Kópavogs dags. 7. nóvember 2012 þar sem óskað er eftir fundi með bæjarstjórum Hafnarfjarðar og Garðabæjar varðandi sameiningu þessara sveitarfélaga.

  Bæjarráðsfulltrúar Samfylkingar og Vinstri grænna telja ekki grundvöll til að fara út í slíkar viðræður þar sem Garðabær hefur þegar hafnað þeim á fundi í bæjarstjórn Garðabæjar 6. desember sl. Hins vegar leggja þeir áherslu á að áfram skulu unnið að eflingu höfuðborgarsvæðisins á fjölmörgum sviðum innan Samtaka sveitarfélaga á höfuðborgarsvæðinu. $line$$line$Bæjaráðfulltrúar Sjálfstæðisflokksins óska bókað:$line$“Bæjarfulltrúar Sjálfstæðisflokksins þykir miður að þessari umleitan um viðræður hafi verið hafnað án frekari skoðunar í hópi fulltrúa sveitarfélaganna.“

• 1101215 – Straumur við Straumsvík, leigusamningur

  Lögð fram beiðni menningar- og ferðamálanefndar um að auglýst verði eftir leigutaka að Straumi sbr. 3. liður fundargerðar nefndarinnar frá 27. nóvmeber sl.

  Lagt fram.

• 1212101 – Skíðasvæði höfuðborgarsvæðis, rekstur og samstarfssamningur

  Lagt fram erindi SSH sent í tölvupósti 10. desember 2012 varðandi rekstur skíðasvæðanna 2013, mótun eigendastefnu og nýs samstarfssamnings.

  Bæjaráð samþykkir fyrirliggjandi forsendur vegna rekstur 2013 og tillögu SSH um kostnaðarskiptingu. Framlag Hafnarfjarðar er innan samþykktrar fjárhagsáætlunar.

• 1212107 – Bláfjalla- og Reykjanesfólkvangur, stjórn

  Lagt fram erindi SSH dags. 6. desember 2012 þar sem kynnt er ályktun stjórnar SSH varðandi kosningu til stjórnar í fólkvanginn.$line$Einnig fundargerð stjórnar SSH frá 10. desember sl. þar sem fjallað er um málið.

  Lagt fram. $line$

Styrkir

• 1212057 – Mæðrastyrksnefnd í Hafnarfirði, jólaúthlutun 2012

  Lagt fram erindi mæðrastyrksnefndar Hafnarfjarðar sent í tölvupósti 6. desember 2012 þar sem óskað er eftir styrk vegna jólaúthlutunar 2012.

  Bæjarráð samþykkir styrk að upphæð kr. 350.000 sem takist af fjárveitingu bæjarráðs til styrkveitinga, bókhaldslið 21-815.

Fundargerðir

• 1201182 – Sorpa bs, fundargerðir 2012

  Lögð fram fundargerð stjórnr Sorpu frá 26. 11. sl.

  Lagt fram til kynningar.

• 1211019F – Hafnarstjórn - 1418

  Lögð fram fundargerð hafnarstjórnar frá 27. 1. sl.

  Lagt fram til kynningar.

• 1211018F – Menningar- og ferðamálanefnd - 191

  Lögð fram fundargerð menningar- og ferðamálanefndar frá 27. nóvember sl.

  Lagt fram til kynningar.