Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
Niðurstöður viðhorfskannana Skólapúlsins í leik- og grunnskólunum gefa skýrt til kynna að nemendum í grunnskólum bæjarins líður vel, þeir lifa heilbrigðu lífi, eru virkir í námi og hafa gott sjálfsálit. Sveitarfélagið skorar hátt varðandi þátttöku barna í leikskólastarfi án aðgreiningar.
Niðurstöður viðhorfskannana Skólapúlsins í leik- og grunnskólunum gefa skýrt til kynna að nemendum í grunnskólum bæjarins líður vel, þeir lifa heilbrigðu lífi, eru virkir í námi og hafa gott sjálfsálit. Sveitarfélagið skorar hæst á meðal sveitarfélaga sem taka þátt í könnuninni varðandi þátttöku barna í leikskólastarfi án aðgreiningar.
Leik- og grunnskólar Hafnarfjarðar taka allir virkan þátt í Skólapúlsinum, verkfæri sem ætlað er til aðstoðar við innra og ytra mat á starfi og starfsumhverfi íslenskra skóla. Niðurstöður viðhorfskannana, fyrir skólaárið 2017-2018, liggja nú fyrir og koma nokkuð vel út fyrir sveitarfélagið í heild sinni. Á sama tíma opna þær á tækifæri til þróunar á ákveðnum sviðum þar sem hver og einn skóli rýnir sínar niðurstöður, gerir úrbótaáætlanir og vinnur með sínu fólki yfir skólaárið.
Tækifæri til sóknar og umbóta í öflugu samstarfi alls samfélagsins
Viðhorfskönnun Skólapúlsins sýnir það sem vel er gert innan beggja skólastiganna í Hafnarfirði og varpar á sama tíma ljósi á þau tækifæri sem eru til betrumbóta. Það er öllum hlutaðeigandi kappsmál að grunnskólakerfið í Hafnarfirði sé áhugavert og eftirsóknarvert og að stöðug skólaþróun sé í gangi. Niðurstöður færa skólunum og sveitarfélögunum haldbærar upplýsingar sem nýta má til að bæta skólastarfið og þakka fyrir það sem vel er gert. Tilgangurinn með samanburði er að skólarnir geti nýtt niðurstöður og samanburð til að sjá hvað tekst vel til og finna sér sóknarfæri og umbótaverkefni. Einnig að aðrir hagsmunaaðilar skólastarfsins s.s. foreldrar og fræðsluyfirvöld fái yfirsýn yfir stöðuna og geti lagt sitt að mörkum til aðstoðar. Mjög misjafnt er hvort íslenskir skólar og sveitarfélög, og þá hvaða sveitarfélög, kjósa að taka þátt í Skólapúlsi. Grunnskólar Hafnarfjarðar hafa verið þátttakendur í könnun síðan 2013 en leikskólarnir síðan 2017 og til fyrirmyndar að til séu gagnsæjar og samræmdar mælingar fyrir alla þá skóla sem reknir eru af sveitarfélaginu.
Leikskólar Hafnarfjarðar – aðlögun barna á leikskóla til fyrirmyndar
Leikskólar Hafnarfjarðar eru á eða yfir meðaltali í öllum þáttum könnunar. Búið er að brjóta niðurstöður niður í fjóra flokka. Hvað varðar daglegt skólastarf, námsumhverfi og samskipti við foreldra eru hafnfirskir leikskólar að koma út á meðaltali við aðra íslenska leikskóla. Leikskólar Hafnarfjarðar eru í tveimur þáttum meðal 25% sveitarfélaga með hæstu niðurstöðurnar. Bærinn er í 3. sæti af 17 mögulegum hvað varðar ánægju foreldra með aðlögun við leikskólabyrjun og í hópi þeirra sveitarfélaga sem eru með hagstæðustu útkomuna á þessum þætti. Bærinn er í 1.sæti af 17 mögulegum hvað varðar þátttöku barna í skólastarfi án aðgreiningar. Þetta gefur m.a. til kynna að skólarnir séu vakandi fyrir því að öll börn tilheyri barnahópnum og að börnum af ólíkum uppruna og menningu sé mætt á sanngjarnan hátt sem og að réttindi beggja kynja séu virt. Niðurstöður könnunar gefa til kynna að ástæða sé til að skoða þann mun sem er milli hafnfirskra leikskóla á fjölda þeirra barna sem njóta sérfræðiþjónustu og sérstaks stuðnings, gagngert til að finna skýringar þannig að veita megi viðeigandi aðstoð og hrinda af stað fleiri uppbyggjandi verkefnum ef ástæða þykir til.
Leikskólar Hafnarfjarðar eru 17 talsins og börn á aldrinum tveggja til fimm ára með lögheimili í bænum rúmlega 1500. Viðhorfskönnun var framkvæmd meðal foreldra nú í ár á meðan könnun 2017 var lögð fyrir starfsmenn leikskólanna og því enn að mótast grunnur til samanburðar meðal leikskólanna í Hafnarfirði og eins heilt yfir. Árið 2018 voru 33 leikskólar í 17 sveitarfélögum skráðir í Skólapúlsinn, þar af allir 17 leikskólarnir í Hafnarfirði.
Skýrsla fyrir leikskóla
Grunnskólar Hafnarfjarðar – nemendur og kennarar hafa trú á eigin getu og hæfileikum
Nemendur í 6.-10. bekk eru spurðir um líðan, virkni, sjálfsmynd, skóla- og bekkjaranda og heimavinnu á meðan nemendur í 1.- 5. bekk eru spurðir um ánægju af lestri, ánægju með skólann og líðan í skólanum. Grunnskólar Hafnarfjarðar koma mjög vel út í þáttum sem snúa að nemendunum sjálfum, líðan, virkni og mati þeirra á eigin getu, þrautseigju og sjálfsáliti sem er afar ánægjulegt. Ánægja nemenda í 1.-5. bekk og líðan þeirra skorar hæst í samanburði þátttökuskóla á landsvísu. Vellíðan í skóla er há hjá hafnfirskum (eldri) nemendum, þau hafa góða stjórn á eigin lífi og hafa jákvæða sjálfsmynd. Hafnfirsk börn hreyfa sig mikið og huga vel að hollu mataræði, finnst heimanám mikilvægt og ná góðu sambandi við jafnaldra. Niðurstöður gefa til kynna að ástæða sé til að skoða betur hvernig efla megi samband nemenda við kennara ásamt því að skoða virkni og aga í kennslustundum. Í starfsmannakönnun eru teknir fyrir þættir eins og líðan, viðhorf til skólans, starfsumhverfi, mat og endurgjöf. Niðurstöður í starfsmannakönnun eru á meðaltali í 13 þáttum. Kennarar hafa heilt yfir trú á eigin getu og gott samstarf er milli kennara um kennslu. Ánægja er með þá símenntun sem í boði er og vilji til að mennta sig enn meira. Kvartanir undan áreiti og einelti í starfsmannahópi eru fáar hjá bænum og sveitarfélagið vel undir meðaltali í þeim þætti. Starfsmenn eru heilt yfir ánægðir í sínu starfi (0,4 stigum undir meðaltali) og með stjórnun skólans (0,4 stigum undir meðaltali), starfsandinn góður (0,5 stigum undir meðaltali) og ánægja með starfsumhverfið nokkuð góð (0,4 stigum undir meðaltali. Við túlkun niðurstaðna er viðmiðunarreglan sú að munur upp á 0,5 stig telst ekki mikill munur. Viðhorf starfsmanna til síns skóla telst því nokkuð gott heilt yfir. Niðurstöður benda til þess að ástæða sé til að skoða þætti eins og gagnsemi starfsmannaviðtala, endurgjöf frá stjórnendum og starfsumhverfi kennara. Hvað varðar starfsumhverfi kennara þá þarf sérstaklega að horfa til þátta eins og stuðnings við kennara vegna nemenda með náms- og hegðunarörðugleika, faglegan stuðning skólastjóra við kennara, valddreifingu við ákvarðanatöku og vinnuaðstæður. Kennarar kalla á sama tíma eftir virkari samvinnu um skólaþróun og umbætur. Líklegt er að þau verkefni sem starfshópar og faghópar leik- og grunnskóla hafa ráðist í á síðustu vikum og mánuðum séu ekki farin að skila sér beint út í skólastarfið og þar með í kannanir. Vonir standa til þess að það mikla umbótastarf sem snýr að umhverfi, álagi og stuðningi fari að skila sér betur inn á borð allra kennara.
Grunnskólar Hafnarfjarðar eru 8 talsins, nemendur í 6.-10. bekk 1.769 (87,8% svarhlutfall), nemendur í 1.-5. bekk 2.121 (91,2% svarhlutfall) og starfsmenn 601 (80,1% svarhlutfall). Börn á grunnskólaaldri með lögheimili í bænum voru 4.197 þegar könnun er gerð. 4011 af þeim í grunnskólum Hafnarfjarðar, hinir í öðrum skólum. Árið 2018 voru 115 grunnskólar skráðir í Skólapúlsinn í 43 sveitarfélögum og náði könnun til um 15.000 nemenda á landinu í 6. – 10. bekk og um 5.500 nemenda í 1. – 5. bekk í 31 skóla í 11 sveitarfélögum. Færri skólar eru að framkvæma starfsmannakönnun, sem náði þetta árið til 42 skóla í 20 sveitarfélögum. Þar af 8 skóla í Hafnarfirði. Um er að ræða fimmta árið sem úttekt er gerð fyrir grunnskólana. Kannarnir voru lagðar fyrir nemendur og starfsmenn í ár en ekki meðal foreldra. Kannanir meðal foreldra og starfsmanna eru til skiptis annað hvert ár en nemendakannanir árlega í 6. – 10. bekk en í ár í fyrsta skipti líka meðal 1.-5.bekkjar.
Skýrsla fyrir grunnskóla
Yfir 4.000 gestir mættu á búninga- og leikjasamkomuna Heimar og Himingeimar í Hafnarfirði um helgina. Bókasafn bæjarins stóð að samkomunni…
Opnað hefur verið fyrir umsóknir í Jólaþorpið á Thorsplani í Hafnarfirði 2024. Sem fyrr vill Jólaþorpið fá til liðs við…
Hittu hamingjuna í Hafnarfirði í september. Fjöldi viðburða sem efla andann, bæta líðan okkar og hvetja okkur til að auka…
Búist er við fjölda gesta á búninga- og leikjasamkomunni Heimar og Himingeimar í Hafnarfirði um helgina. Hátíðin hefst kl. 17.…
Hafnarfjarðarbær hefur gengið frá kaupum á nýju húsnæði fyrir Bókasafn Hafnarfjarðar í verslunarmiðstöðinni Firði. Nútímavæða á 102 ára gamla bókasafn…
Hafnarfjarðarbær vekur athygli á möguleika fatlaðs fólks sem þarfnast sértæks stuðnings vegna fötlunar sinnar til að sækja um styrki skv.…
Það var sannkallað stuð fyrir alla fjölskylduna í brakandi blíðu á glæsilegri hátíð í Hellisgerði í gær. Þar mátti heyra…
Búninga- og leikjasamkoman Heimar og himingeimar verður haldin á Bókasafni Hafnarfjarðar 30. ágúst til 1. september. Þar munu ævintýrin gerast.
Báðir álfar en þó ekki bræður, Íþróttaálfurinn og Benedikt búálfur, verða meðal þeirra sem verða á kreiki í Hellisgerði sunnudaginn…
Nýtt skólaár innan grunnskóla Hafnarfjarðarbæjar hefst á morgun og munu um 4.100 börn og ungmenni setjast á skólabekk þetta haustið.…