Badmintonfélag Hafnarfjarðar býður upp á sumarnámskeið fyrir krakka á aldrinum 6-16 ára. Hentar fyrir allt frá byrjendum til keppniskrakka í badminton og byrjendur í borðtennis. Skipt verður í hópa eftir aldri og getu og því ættu allir að fá að njóta sín. Námskeiðin fara fram í Íþróttahúsinu við Strandgötu. Í boði eru fimm viku löng námskeið þar sem þátttakendur mæta í 3-7 klst á dag. Allir fá ávexti í stuttu hléi fyrir og eftir hádegi og léttan hádegismat ef um heilsdags námskeið er að ræða. Á föstudögum eru grillaðar pylsur í hádeginu fyrir alla þátttakendur. Boðið er uppá fría gæslu frá 8:30-9:00 og 16:00-16:30. Námskeiðin eru bæði fyrir þau sem vilja kynnast íþróttagreinum BH og þau sem eru þegar að æfa og vilja bæta sig. Hægt er að skrá sig á eins mörg námskeið og hverjum og einum hentar. Þátttakendur þurfa að mæta í íþróttafötum og gjarnan í innanhússkóm (þau sem eiga ekki innanhús skó ættu að vera á tánum til að renna ekki). Einnig mikilvægt að vera klædd eftir veðri því farið verður út í stuttar ferðir á hverjum degi. Hægt er að fá lánaða spaða og kúlur á staðnum. Þjálfarar í sumar verða Una Hrund Örvar, badmintonþjálfari, Sólrún Anna Ingvarsdóttir, íþróttafræðinemi og badmintonþjálfari, og Anna Lilja Sigurðardóttir, íþróttafræðingur og badmintonþjálfari. Þá munu ungmenni sem æfa hjá félaginu á aldrinum 15-18 ára starfa við námskeiðin. Skráning hefst 17. maí og fer fram í Sportabler. Hvetjum þau sem ætla að vera með í sumar að skrá sig sem fyrst til að missa ekki af plássi. Það var biðlisti í allar vikurnar hjá okkur í fyrra. Námskeið í boði Námskeiðin verða á eftirfarandi vikum: Vika 1 – 10.-14.júní Vika 2 – 18.-21.júní Vika 3 – 24.-28.júní Vika 4 – 1.-5.júlí Vika 5 – 12.-16.ágúst Badmintonnámskeið fyrir byrjendur og styttra komna 6-14 ára verður fyrir hádegi kl.9-12 og fyrir vana keppniskrakka 11-16 ára eftir hádegi kl.13-16. Eftir hádegi kl.13-16 verður almennt leikjanámskeið þar sem farið verður í borðtennis á hverjum degi en einnig ýmsa leiki, spil og útivist. Einu sinni í hverri viku verður farið í sund eftir hádegið. Allir geta skráð sig á námskeið fyrir byrjendur og styttra komna. Námskeið fyrir vana keppniskrakka er fyrir þau sem hafa keppt reglulega og hafa áhuga og þolinmæði í að vinna í tæknilegum og taktískum atriðum í amk klukkutíma í einu. Verð Hálfur dagur – 9.500 kr vikan Heill dagur – 19.500 kr vikan 20% afsláttur ef keypt eru 2 eða fleiri námskeið. Innifalið eru ávextir í hléi, grillaðar pylsur síðasta daginn og léttur hádegisverður (samlokur, skyr, súpa, grjóngrautur o.þ.h.) aðra daga fyrir þau sem eru skráð allan daginn. Einnig er boðið uppá fría gæslu kl.8:30-9 og 16-16:30 fyrir þau sem þurfa. Nánari upplýsingar um námskeiðin eru veittar í gegnum netfangið bh@bhbadminton.is og í síma 8686361 (Anna Lilja).
