Viltu verða partur af sterkri og snjallri liðsheild? Þjónustufulltrúi óskast

Þjónustuver Hafnarfjarðarbæjar auglýsir laust til umsóknar starf þjónustufulltrúa í 100% starf. Í boði er áhugavert og lifandi starf í skapandi starfsumhverfi með fjölbreyttum verkefnum sem kalla á hæfni í samskiptum, frumkvæði og ríka þjónustulund. 

Hlýleg, áreiðanleg og snjöll þjónusta

Hafnarfjarðarbær er framsækið sveitarfélag og vinnustaður sem er sífellt að vaxa og dafna og leitum við að jákvæðum og lausnamiðuðum einstaklingi sem vill taka þátt í að efla og þróa vinnustaðinn og þjónustu sveitarfélagsins. Þjónustuverið er staðsett í Ráðhúsi Hafnarfjarðar, Strandgötu 6 og þar starfa sex starfsmenn. 

Helstu verkefni og ábyrgð:

• Þjónusta og upplýsingagjöf til íbúa, ferðamanna og starfsfólks
• Almenn afgreiðsla og símsvörun
• Móttaka, skráning og svörun erinda
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Stúdentspróf eða önnur sambærileg menntun sem nýtist í starfi
• Reynsla sem nýtist í starfi
• Jákvætt viðmót og hæfni í samskiptum
• Mjög góð þjónustulund og samstarfshæfni
• Frumkvæði og sjálfstæði í vinnubrögðum
• Stundvísi, sveigjanleiki og skipulagshæfni
• Skapandi og lausnamiðuð hugsun 
• Jákvætt viðhorf til vinnu og geta til að stuðla að góðum liðsanda
• Áhugi á að læra nýja hluti
• Hæfni til að vinna undir álagi
• Góð íslensku- og enskukunnátta
• Góð almenn tölvukunnátta

Nánari upplýsingar um starfið veitir Anna Bára Gunnarsdóttir deildarstjóri þjónustuvers í síma 585-5500 og á netfang: annabg@hafnarfjordur.is 

Umsóknarfrestur til og með 12. ágúst

Mikilvægt er að umsókn fylgi ferilskrá og kynningarbréf. Unnið verður úr umsóknum eftir að umsóknarfresti lýkur. Laun eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðarbæjar. 

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.