Almmenar upplýsingar

Í félagsmiðstöðvunum er boðið upp á frístundastarf fyrir 10–16 ára börn og unglinga.

Starf félagsmiðstöðva

Félagsmiðstöðvarnar starfa í húsnæði við grunnskólana. Þar hafa börn og unglingar aðstöðu til afþreyingar og samveru með jafnöldrum í öruggu umhverfi. Starfið hefur forvarnar-, uppeldis- og menntunargildi og tekur mið af aldri og þroska barna og unglinga. Unnið er í klúbbum, ráðum, hópastarfi, opnu starfi og tímabundnum verkefnum.

Áhersla er lögð á að bjóða upp á fjölbreytileg viðfangsefni og að ná til þeirra barna og unglinga sem þarfnast félagslegs stuðnings. 

Þjónustutími félagsmiðstöðva

Þjónustutími félagsmiðstöðva er tvískiptur.

  1. Stjórnendur eru með viðveru á skólatíma barna og unglinga. Þá er opið í frímínútum og hádegishléum þegar kostur gefst, auk þess sem börnin og unglingarnir geti kíkt við og rætt við starfsfólk ef eitthvað liggur þeim á hjarta.
  2. Almennur opnunartími eða kvöldopnanir.

Opnunartími

Félagsmiðstöðvarnar eru með starfsemi á mánudögum, miðvikudögum og föstudögum frá kl. 17–22.

  • 5.–7. bekkur er 2–4 sinnum í mánuði frá kl. 17:00-19:00 (mismunandi vikudagur eftir stöðum).
  • 8., 9. og 10. bekkur er þrjú kvöld í viku frá kl. 19.30- 22:00.
  • Hópastarf er einu sinni til tvisvar í viku frá kl. 17:00–19:00 (mismunandi vikudagur eftir stöðum).