Leikskólar

Flutningur innan bæjarins

Þú sækir um flutning milli leikskóla í Hafnarfirði í Völu. Umsóknir verða að berast fyrir 1. febrúar á hverju ári. Flutningsbeiðnir eru afgreiddar áður en aðalinnritun fer fram. 

Aðlögun í nýjan leikskóla á sér stað eftir aðstæðum í hverjum leikskóla fyrir sig, algengast er að þær fari fram eftir sumarlokun leikskóla.

Flutningur á milli sveitarfélaga 

Það er ætlast til að leikskólabörn séu í leikskóla í sveitarfélaginu þar sem þau eiga lögheimili. Börn sem flytjast á milli sveitarfélaga á höfuðborgarsvæðinu geta dvalið áfram í gamla leikskólanum í allt að 6 mánuði frá flutningi lögheimilis ef þau eru á biðlista eftir leikskóla í nýja sveitarfélaginu. Búast má við að leikskóladvöl hefjist þar innan 6 til 12 mánaða.

Sótt er um framlengingu á leikskóladvöl í gegnum Mínar síður. Samþykki sveitarfélags sem flutt er úr þarf að liggja fyrir.

Börn sem flytjast til Hafnarfjarðar fyrir innritunaraldur í Hafnarfirði og eru í leikskóla eða ungbarnaleikskóla í öðru sveitarfélagi fá niðurgreiðslu sem nemur niðurgreiðslu dagforeldris þar til innritunaraldri er náð.

• Sækja um framlengingu leikskóladvalar

• Uppsögn á leikskóla

• Gjaldskrá