Leikskólar

  1. Þjónusta
  2. Skólar og börn
  3. Leikskólar

Leikskólinn er fyrsta skólastigið. Þar er hlúð að börnum með skapandi og hvetjandi starfi.

Leikskólar

Leikskólagjöld

Sjá alla gjaldskrá

Leikskólagjöld eru innheimt samkvæmt gjaldskrá. Þú getur reiknað út kostnað við leikskóladvöl með reiknivélinni hér fyrir neðan.

30 stunda gjaldfrjáls leikskóli

6 tíma gjaldfrjáls leikskóli á dag tók gildi 1. janúar 2026. Áfram er greitt fyrir fæði.

Dæmi:

  • Ef dvöl hefst kl. 8:00 lýkur 6 tíma gjaldfrjálsri dvöl kl. 14.
  • Ef dvöl hefst kl. 9:00 lýkur gjaldfrjálsri dvöl kl. 15.

Dagarnir mega vera mislangir svo framarlega sem dvölin er ekki lengri en 30 klst. á viku. Eina skilyrðið er 4 stunda lágmarksdvöl á dag alla daga.

Afsláttur í boði

  • Systkinaafsláttur fæst þegar systkini eru samtímis hjá dagforeldri, í leikskóla eða í frístund. Annað barn fær 75% afslátt og þriðja 100% afslátt.
  • Tekjutengdur afsláttur. Foreldrar geta sótt um tekjutengdan afslátt á Mínum síðum sem er 50% annars vegar og 75% hins vegar. Afsláttur er eingöngu veittur af almennu dvalargjaldi. Sjá tekjuviðmið í gjaldskrá.
  • Afsláttur vegna andláts maka eða skyndilegrar örorku. Foreldri getur sótt um 75% afslátt (sami og neðri tekjuviðmið) í eitt ár. 

Afslátturinn er af dvalargjaldi, ekki af fæði (morgunhressingu, hádegismat og síðdegishressingu). Annað hvort er veittur systkinaafsláttur eða tekjutengdur afsláttur, aldrei báðir í einu.

Reiknivél leikskólagjalda

Reiknivél leikskólagjalda virkar þannig að valinn er meðaltal dvalartíma á dag og fjöldi barna. Leikskólagjöld miðast við heildardvalartíma barns á viku sem rukkast um hver mánaðamót. Reiknivélin reiknar sjálfkrafa afslátt vegna systkina ef valin eru 2 börn eða fleiri (afsláttur er eingöngu veittur vegna dvalargjalda en ekki fæðisgjalda).

Ef heildardvöl er lengri en 30 klukkustundir á viku að meðaltali reiknast dvalargjald fyrir þann tíma sem er umfram 30 klukkustundir. Dvalardagar barns mega vera mislangir en lágmarksdvöl barns hvern dag er 4 klukkustundir.


Gjöld vegna lengri dvalar 

  • Ef barn dvelur að meðaltali í 7 klukkustundir á dag er dvalargjald 15.421 kr. á mánuði, auk fæðisgjalda.
  • Ef barn dvelur að meðaltali í 8 klukkustundir á dag er dvalargjald 31.161 kr. á mánuði, auk fæðisgjalda.

Útfærsla dvalartíma er síðan samkomulag á milli deildarstjóra eða leikskólastjóra og forsjáraðila.