Umferðarhraði lækkaður á götum Hafnarfjarðar

Fjölbreyttari umferð kallar á meiri aðgát

Umferðarhraði á yfir sextíu götum Hafnarfjarðarbæjar lækkar úr 50 km/klst í 40 eða 30 þann 22. maí. Ákvörðunin er tekin af  með það fyrir augum auka öryggi gangandi og hjólandi vegfarenda sem fjölgar jafnt og þétt með breyttum lífsstíl.

Breytingin á að draga úr umferðarslysum, loftmengun og stuðla að betri bæjarbrag. Bærinn fylgir í fótspor nágrannasveitarfélaganna sem einnig hafa lækkað umferðarhraða. Ákvörðunin, sem tekin er á umhverfis- og skipulagssviði Hafnarfjarðarbæjar, hefur verið samþykkt af lögreglustjóranum á höfuðborgarsvæðinu og staðfest af bæjarstjórn Hafnarfjarðar.

Lægri hraði = Færri slys

Áhrif ákvörðunarinnar voru skoðuð í þaula áður en hún var tekin. Vinna við mat og undirbúning hefur staðið í um tvö ár. Í úttekt sérfræðinga um þróun slysa í Hafnarfirði kemur fram að við að lækka hámarkshraða úr 50 í 30 má fækka slysum um 25%.  Fækka má slysum um 11% við að lækka hraðann úr 50 í 40 km/klst.

Nú eftir helgi verða umferðaskilti í bænum uppfærð. Vinnan hefst á þriðjudag og tekur nokkra daga.

Já, nú er að horfa í kringum sig og á skiltin en vera ekki úti að aka af gömlum vana!