Komdu og fagnaðu þjóðhátíð með okkur heima í Hafnarfirði
Þjóðhátíðarveisla sem teygir anga sína víða um bæinn verður í boði víðsvegar um Hafnarfjörð. Þjóðhátíðardagurinn hefst með fánahyllingu á Hamrinum kl. 8 í boði Skátafélagsins Hraunbúa og lýkur með glæsilegri kvölddagskrá á Thorsplani.
Siglingafélagið Þytur verður með opið hús á Þjóðhátíðardaginn. Hægt er að fá að prófa að róa kajak, fara á SUP bretti, sigla kænum og jafnvel fara í siglingu á kjölbát sér að kostnaðarlausu.
Annríki – Þjóðbúningar og skart veitir aðstoð við að klæðast þjóðbúningum og hvetur Hafnfirðinga til að taka fram þjóðbúninga allra landa.Þjóðbúningamyndataka við Hafnarborg kl. 14:30.
Þjóðhátíðardegi Íslands verður fagnað á 17. júní með fánasmiðju og vöfflum í Get together miðstöðinni í Vonarhöfn – Hafnarfjarðarkirkju (gengið inn frá Suðurgötu). Endilega kíkið við og fáið ykkur kaffi og vöfflur. Á staðnum verður efniviður fyrir börnin til að búa til sína eigin fána. Öll velkomin! Get together er rekið af GETU – hjálparsamtökum sem styðja við hælisleitendur og flóttafólk með búsetu í Hafnarfirði og nágrenni.
Gestir eru boðnir velkomnir á yfirstandandi sýningar safnsins, Á hafi kyrrðarinnar, verk eftir Hildi Ásgeirsdóttur Jónsson í aðalsal og Hikandi lína, verk eftir Elísabetu Brynhildardóttur í Sverrissal. Verið öll velkomin – aðgangur ókeypis, líkt og alla daga ársins.
Kl. 12:00-17:00 Þjóðbúningasýning
Líkt og fyrri ár mun Annríki halda sérstaka þjóðbúningasýningu í Apótekinu á neðri hæð safnsins, þar sem sýndir verða þjóðbúningar karla og kvenna í gegnum tíðina og leitast við að varpa ljósi á þróun þeirra, auk þess sem lögð verður áhersla á prjónaðan fatnað á 18. og 19. öld, en sýningarnar hafa notið mikilla vinsælda á hverju ári.
Verið velkomin á Bókasafnið á þjóðhátíðardaginn! Tónlist, faldafreyjur, kaffi og með því – allt með sínu fasta of þjóðlega formi. Heimasætan verður skautuð og skrýdd í kyrtil, og fræðsla um íslenska búninginn verður samtímis, en það hefst kl 12:30. Tónlist, kaffi kleinur og yndislegheit allan daginn!
Gengið niður Hringbraut, eftir Lækjargötu og inn Strandgötu að Thorsplani. Lúðrasveit Hafnarfjarðar, Skátafélagið Hraunbúar og víkingar leiða skrúðgönguna.
Badmintonfélag Hafnarfjarðar verður með opið hús þar sem hægt verður að prófa borðtennis og badminton. Einnig verður þrautabraut fyrir yngstu kynslóðina. Þá verður hægt að kaupa rjúkandi heitar vöfflur og kaffi til styrktar keppnisfólki félagsins. Fyrir utan íþróttahúsið verður hoppukastali.
Víkingahátíðin í Hafnarfirði fer fram á Víðistaðatúni dagana 14.-18. júní og er aðgangur ókeypis. Yfir 150 víkingar leggja leið sína í Hafnarfjörð innan og utan landsteinanna.
Dagskráin er fjölbreytt og mikið um að vera, þar má telja; bardagasýningu, handverksýningu, víkingaleiki, eldsmíði, jurtalitun, víkingaskóla fyrir börn, fjölbreyttir sölubásar, bogfimikeppni, veitingar & veigar. Fjöllistamaðurinn Björke snýr aftur eftir langa fjarveru og hljómsveitirnar Krauka og Hrafnboði spila fyrir gesti yfir daginn. Krauka spilar fyrir dansi á föstudags- og laugardagskvöld.
Hægt verður að prófa bæði bogfimi og axarkast gegn vægu gjaldi, allur ágóði rennur beint í Víkingahátíð í Hafnarfirði. Rimmugýgur býður ykkur velkomin á 26. hátíðina sem þau halda í Hafnarfirði.
Slökkvilið höfuðborgarsvæðisins ætlar í tilefni dagsins að aka um nokkrar götur sveitarfélagsins með blá ljós og íslenska fánann frá kl. 14-16. Því miður er ekki hægt að tímasetja nákvæmlega þar sem Slökkviliðið er á vaktinni eins og alltaf. Tökum vel á móti þeim, um að gera að fara út og fagna.
Hæ, hó, jibbí, jeij! Hljómsveitin ÞAU fagnar þjóðhátíðardeginum í heimabæ sínum, Hafnarfirði, með tónleikum í Fríkirkjunni kl. 16. ÞAU eru Rakel Björk Björnsdóttir, söng- og leikkona, og Garðar Borgþórsson gítar- og slagverksleikari. ÞAU flytja frumsamin lög við ljóð eftir vel valin íslensk skáld. ÞAU hlakka til að sjá ykkur!
Kvölddagskrá í hjarta Hafnarfjarðar á sjálfan þjóðhátíðardaginn snýr aftur í hátíðarhöldunum á 17. júní. Fram koma ungir tónlistarmenn í bland við aðra reyndari.
19:00 Ungir listamenn hita upp
19:45 Gunnella Hólmarsdóttir leikkona og skemmtikraftur verður með létt uppistand og sprell
20:00 Sigga Ózk
20:15 Prettyboitjokkó
20:30 Svala Björgvinsdóttir
21:00 Páll Óskar
Kynnir: Eygló Hilmarsdóttir leikkona
Samgöngur og umferðalokanir
Miðbærinn verður lokaður fyrir bílaumferð á meðan á hátíðarhöldum stendur:
Strandgata við Lækjargötu
Linnetsstígur við Fjarðargötu og Hverfisgötu 23
Austurgata frá Linnetsstíg
Mjósund við Austurgötu
Tjarnabraut frá Arnarhrauni að Lækjarskóla
Bílastæði fatlaðra við Linnetsstíg 1
Bæjarbúar eru hvattir til að leggja bílum löglega nálægt miðbænum, ganga eða taka strætó á viðurðarstæði. Bendum á fjölmörg bílastæði við smábátahöfnina, Lækjarskóla, Tækniskólann, Flensborg, Íþróttahúsið við Strandgötu og Víðistaðaskóla.
Skiljum hundana eftir heima
Að gefnu tilefni er bent á að hundum líður betur heima en í mannmergð og fólksfjölda.
VINSAMLEGAST ATHUGIÐ AÐ HUNDAR ERU EKKI LEYFÐIR Á VIÐBURÐARSTÖÐUM.
Þjóðhátíðarnefnd
Kristjana Ósk Jónsdóttir
Einar Gauti Jóhannsson
Sigurður Pétur Sigmundsson
Komdu og fagnaðu þjóðhátíðardeginum með okkur á Víðistaðatúni! Tennisfélag Hafnarfjarðar býður gestum á öllum aldri í skemmtilegan og fjölskylduvænan viðburð…
