ATHUGIÐ! Fullt er orðið í flotið – takk fyrir frábær viðbrögð og skráningu 

————————————————–

Aðventuflot fyrir “nýja” og áhugasama – aðeins 12 pláss í boði

Heilsubærinn Hafnarfjörður í samstarfi við FLOT Í KYRRÐ bjóða áhugasömum í aðventuflot sunnudaginn 17. desember kl. 16. Mikilvægt er að skrá sig í flotið og gildir reglan að fyrstur kemur fyrstur fær. Aðgangur er ókeypis og þau sem aldrei hafa prófað flot eru sérstaklega hvött til að skrá sig og prófa. FLOT Í KYRRÐ eru þær Helga Óskarsdóttir jógakennari og Iris Eiríksdóttir jógakennari og nuddari. Þær eru einnig eigendur Yoga hússins í Lífsgæðasetri St.Jó. Þær hafa boðið upp á flotmeðferðir í Suðurbæjarlaug siðan haustið 2019. Flot slökun er ljúf leið til að gefa eftir inn í kyrrð og heilunarmátt vatnsins. Flotmeðferð er mild líkamsmeðferð þar sem líkama þínum er hjálpað með ákveðnum hreyfingum og snertingu að losa um spennu og streitu sem á það til að búa um sig í taugakerfinu og líkamanum. Meðferðin er veitt af faglærðum flotþerapistum sem notast við flotbúnað frá Flothettu. Laugin er hituð sérstaklega til þess að gera upplifun þína og áhrif meðferðarinnar sem besta.

Skráning fer fram í gegnum netfangið: flotslokun@gmail.com 

Liður í því að efla vellíðan íbúa

Þetta framtak Heilsubæjarins Hafnarfjarðar er liður í heilsueflingu Hafnfirðinga og vina Hafnarfjarðar og talar í takt við þá heilsustefnu sem sveitarfélagið mótaði 2016. Eitt af þremur yfirmarkmiðum heilsustefnunnar er að finna leiðir og lausir til að efla vellíðan íbúa. Hér í samstarfi við Yoga húsið  í Lífsgæðasetri St. Jó.
——————————————

Allt um Flot í kyrrð 

Allt um Yoga húsið 
Allt um Lífsgæðasetur St. Jó