Fimmtudaginn 3. september kl. 17:30 – gengið frá bílastæði við Kaldárselsveg 

Komdu með í HamingjuHelgafellsgöngu þegar Rúnar Pálsson leiðir þátttakendur upp á Helgafell á Hamingjudögum í Hafnarfirði. 

Helgafell hefur lengi verið eitt af einkennisfjöllum Hafnarfjarðar og fáir þekkja sögu þess og einstaka stemningu betur en Rúnar. Hann hefur gengið á fjallið ótal sinnum og síðustu 30 ár séð um gestabókina á toppnum sem geymir ótal kveðjur og minningar þeirra sem lagt hafa leið sína á fjallið. 

Gangan er einstakt tækifæri til að njóta útivistar, hreyfingar og góðrar samveru á einum fallegasta útsýnisstað bæjarins. 

Hvort sem þú hefur gengið á Helgafell hundrað sinnum eða ert að leggja leið þína þangað í fyrsta skipti, þá ert þú hjartanlega velkomin(n) með. 

Göngum saman upp á Helgafell!