Skemmtilegt tækifæri fyrir einstaklinga, fjölskyldur og vinahópa til að koma saman og búa til falleg og skemmtileg hús úr piparkökum og öðru gúmmelaði. Miðað er við að 95% af húsunum sé úr ætilegu byggingarefni og að meginuppistaðan í þeim sé piparkökur. Breytir engu hvort að deigið sé heimagert eða keypt – bara það sem hentar og hvað er gaman að gera saman. Á Bókasafni Hafnarfjarðar má finna allskonar fallegar og sniðugar bækur til innblásturs og hægt að fá lánuð form í baksturinn.