Á Alþjóðlega jazzdaginn, fimmtudaginn 30. apríl kl. 18, mun kvartett spænska saxófónleikarans Alberts Cirera koma fram á næstu Síðdegistónum í Hafnarborg.

Albert Cirera hefur á undanförnum árum verið virkur á evrópsku spunatónlistarsenunni, tekið þátt í fjölda upptaka og leikið á hátíðum og tónleikum í Evrópu og víðar. Hann hefur starfað og búið í borgum á borð við Barcelona, Lissabon og Kaupmannahöfn og unnið með fjölbreyttum hópi tónlistarmanna úr ólíkum áttum.

Á efnisskránni verða djassstandardar í bland við tónsmíðar eftir Cirera, þar sem rými er fyrir spuna og frjáls samskipti tónlistarmannanna. Ásamt Albert, sem leikur á tenór-saxófón, leika þeir Andrés Þór á gítar, Snorri Skúlason á kontrabassa og Scott McLemore á trommur.

Tónleikarnir standa í um klukkustund og er aðgangur ókeypis.

Síðdegistónar í Hafnarborg eru styrktir af Hafnarfjarðarbæ og Menningarsjóði FÍH.