Hafnarfjarðarbær óskar eftir að ráða þroskaþjálfa til starfa á skammtímadvöl fyrir fötluð ungmenni, staðsett í Setbergshverfi. Viðkomandi þarf að geta hafið störf 15. maí n.k. eða eftir samkomulagi

Starfshlutfall er 80% – 90% og er unnið í vaktavinnu, viðkomandi þarf að geta unnið á morgun, kvöld- og helgarvöktum. Unnið er eftir hugmyndafræði Þjónandi leiðsagnar.

Helstu verkefni og ábyrgð:

• Framfylgir hlutverki og markmiðum starfstöðvar
• Ber ábyrgð á skipulagningu, samhæfingu, áætlanagerð, skýrslugerð, upplýsingamiðlun, ráðgjöf, fræðslu og samskiptum við aðrar stofnanir
• Stuðla að virkni, velferð og vellíðan þjónustunotend, leitast við að auka lífsgæði og sjálfstæði fatlaðs fólks og stuðla að valdeflingu þeirra
• Setja upp og fylgja eftir þjónustuáætlunum sem og starfsáætlun
• Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

• Þroskaþjálfamenntun og starfsleyfi sem þroskaþjálfi.
• Reynsla af skipulagi faglegs starfs á svið þroskaþjálfunar æskileg
• Samstarf- og skipulagshæfileikar
• Frumkvæði, samviskusemi, hæfni í mannlegum samskiptum
• Jákvætt viðmót og rík þjónustulund
• Líkamleg geta til að sinna verkefnum á vinnustað   
• Íslenskukunnátta skilyrði, A2 tungumálastaðall ETM Sjálfsmatsrammi (coe.int)

Umsækjandi þarf að hafa hreint sakavottorð.

Frekari upplýsingar um starfið veitir Hrönn Harðardóttir forstöðuþroskaþjálfi í síma: 565-2545, netfang: hronnha@hafnarfjordur.is

Umsóknarfrestur er til og með 22. mars 2026

Umsókn fylgi greinagóð ferilskrá ásamt leyfisbréfi.

Laun eru samkvæmt gildandi kjarasamningi Sambands íslenskra sveitarfélaga við Þroskaþjálfafélag Íslands.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.