Leikskólinn Arnarberg, staðsettur við Haukahraun 2 í Hafnarfirði, er fjögurra deilda leikskóli með áherslu á læsi í víðum skilningi. Einkunnarorð skólans eru „Læsi er leikur“, og þau endurspegla meginþráð alls starfsins. 

Læsi í Arnarbergi nær yfir lestur bóka, líðan og velferð einstaklingsins, hreysti og umhverfi. Leikurinn er lykillinn að þroska barna á sviðum eins og hreyfingu, tungumáli, samskiptum, tilfinningum og sköpun.

Leiðaljós okkar er „Virðing, Samvinna og Traust“

Við leggjum áherslu á jöfnuð og rétt allra, og viljum stuðla að umburðarlyndi, samkennd og samvinnu. Markmiðið er að börnin verði sterkari og sjálfstæðari einstaklingar sem takast á við lífið með gleði og öryggi.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

• Vinnur að og ber ábyrgð á uppeldi og menntun leikskólabarna samkvæmt starfslýsingu deildarstjóra
• Ber ábyrgð á stjórnun, skipulagningu, framkvæmd og mati á faglegu starfi deildarinnar
• Annast daglega verkstjórn á deildinni og ber ábyrgð á miðlun upplýsinga
• Ber ábyrgð á að unnið sé eftir skólanámskrá og að öll börn fái kennslu og umönnun við hæfi
• Ber ábyrgð á allri foreldrasamvinnu
• Önnur verkefni samkvæmt starfslýsingu

Menntunar- og hæfniskröfur:

• Leyfisbréf sem kennari (fylgi umsókn)
• Reynsla af starfi deildarstjóra og með ungum börnum æskileg
• Reynsla af uppeldis- og kennslustörfum með ungum börnum æskileg
• Góð samskiptahæfni og frumkvæði
• Skipulögð og sjálfstæð vinnubrögð
• Einlægur áhugi á velferð barna
• Góð tölvukunnátta
• Góð íslenskukunnátta er áskilin. Miðað er við hæfniviðmið C1 samkvæmt viðmiðum Evrópska tungumálarammans, Sjálsmatsrammi

Umsóknarfrestur er til og með 18.september 2026 n.k.

Um er að ræða tímabundin ráðning til 6 mánaða með möguleika á áframhaldandi ráðningu.

Ef ekki fæst starfsmaður með leyfisbréf, kemur Um er að ræða tímabundin deildastjórastaða.til greina að ráða háskólamenntaðan einstakling með reynslu af starfi með börnum, skv. lögum nr. 95/2019.

Nánari upplýsingar veitir Bjarney Kristín Hlöðversdóttir leikskólastjóri bjarneyk@hafnarfjordur.is , sími:5553493.

Launakjör samkvæmt kjarasamningi Sambands íslenskra sveitarfélaga við KÍ/Félag leikskólakennara.

Fríðindi í starfi:

• Heilsuræktarstyrkur
• 75% afsláttur af leikskólagjöldum
• Forgangur á leikskóla
• Bókasafns- og sundkort

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins