Sumarstarf á heimili fyrir fatlað fólk – Blikaás

Hafnarfjarðarbær óskar eftir að ráða öfluga og áhugasama starfsmenn til sumarafleysinga á á heimili fatlaðs fólks, sem staðsett er í Blikaási í Hafnarfirði. 

Um er að ræða fjölbreytt og spennandi starf í vaktavinnu. Starfshlutfall er 80-100% eða eftir samkomulagi og þarf viðkomandi að geta unnið morgun-, kvöld-, nætur og helgarvaktir.

Unnið er eftir hugmyndafræði Þjónandi leiðsagnar með áherslu á að íbúum líði vel í þægilegu og öruggu umhverfi heimilisins.

Helstu verkefni og ábyrgð:

• Veita íbúum stuðning við athafnir daglegs lífs
• Fylgja þjónustuáætlunum og verklagsreglum
• Virkja íbúa til þátttöku í samfélaginu og tómstundum
• Hafa gaman í vinnunni og vera öðrum fyrirmynd
• Almenn heimilisstörf
• Önnur verkefni samkvæmt starfslýsingu

Hæfniskröfur:

• Reynsla af sambærilegu starfi kostur
• Áhugi á málefnum fatlaðs fólks
• Þjónustulund og jákvæðni í starfi
• Hæfni í mannlegum samskiptum er skilyrði
• Frumkvæði og samviskusemi
• Sjálfstæð vinnubrögð og sveigjanleiki í starfi
• Bílpróf er skilyrði
• Íslenskukunnátta skilyrði, A2 tungumálastaðall ETM Sjálfsmatsrammi (coe.int)
• Líkamleg geta til þess að sinna verkefnum á vinnustað

Æskilegt er að viðkomandi hafi náð 20 ára aldri, en skilyrði er að viðkomandi hafi hreint sakavottorð.

Nánari upplýsingar um starfið veitir Ragna Dögg Magnúsdóttir forstöðumaður í síma 585-5762 eða á netfanginu ragnadogg@hafnarfjordur.is

Laun samkvæmt gildandi kjarasamningi Sambands íslenskra sveitarfélaga við Starfsmannafélag Hafnarfjarðar

Umsóknarfrestur er til og með 13. mars 2025

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins