Ævintýrið er á bókasafninu – Á Heimum og himingeimum
Nýtt Bókasafn Hafnarfjarðar fylltist af litríkum persónum, ævintýrum og gestum á öllum aldri á fyrsta degi búninga- og leikjahátíðarinnar Heima og Himingeima. Hátíðin stendur til kl. 18 í dag og frá 12-18 á morgun.
Heimar og himingeimar 2026
Búninga- og leikjahátíðarin Heimar og himingeimar stendur nú sem hæst. Hátíðin stendur yfir í þrjá daga, 4.–6. september, og í ár eru í boði um þrjátíu smiðjur og fimm ólíkir heimar. Þar mætast meðal annars kvikmyndabúningar, fantasíulörp, söguleg endursköpun, japanskt cosplay, leikmunagerð og skylmingar.
Á dagskránni yfir helgina eru meðal annars geislasverðaþjálfun, brynjugerð, föndur, tónleikar, ljósmyndabásar, leikir og sýningar, dans, rúnaílestur, búningagerð og ýmislegt fleira.
Hátíðin er haldin í þriðja sinn í ár. Um 5.000 gestir sóttu hana fyrsta árið og í fyrra tvöfaldaðist gestafjöldinn þegar um 10.000 manns lögðu leið sína á Heima og himingeima.
Og við erum bara rétt að byrja!
Ævintýraheimarnir halda áfram að taka á móti gestum í dag laugardag og sunnudag. Það er því nóg eftir fyrir þau sem misstu af fyrsta deginum – og ekki síður þau sem komu og vilja meira.
Heimar og himingeimar eru hátíð fyrir öll sem hafa gaman af búningum, leikjum, sköpun og ævintýrum – hvort sem fólk kemur í fullum skrúða eða bara eins og það er.
Komdu inn í heimana með okkur – ævintýrið heldur áfram alla helgina í Hafnarfirði.
- Nánari dagskrá og upplýsingar má finna á heimasíðu Heima og himingeima.