Auglýst er eftir flokkstjórum til sumarstarfa við flokkstjórn á vegum ýmissa félaga í Hafnarfirði sem eru í samstarfi við Vinnuskóla Hafnarfjarðar. Vinsamlegast takið fram í athugasemdum hjá hvaða félagi umsækjandi óskar eftir sumarstarfi.

Helstu verkefni og ábyrgð

• Flokkstjóri stýrir verkefnum og hópum innan félagsins s.s. við umhirðu svæðis eða á leikjanámskeiði.
• Vera fyrirmynd ungs fólks
• Leiðbeina nemendum um vinnubrögð og verklag
• Vinna með uppbyggileg samskipti og skapa liðsheild í nemendahópnum
• Skil á tímaskráningum og frammistöðumati nemenda
• Önnur störf samkvæmt starfslýsingu

Hæfniskröfur

• Áhugi á að starfa með ungu fólki og vilji til að takast á við fjölbreytt verkefni
• Samskiptafærni og hæfni til að vera nemendum góð fyrirmynd
• Þekking á starfi Vinnuskólans eða önnur reynsla af starfi með börnum eða unglingum er kostur
• Reynsla af garðyrkju- og umhirðutengdum störfum er kostur
• Hreint sakavottorð í samræmi við lög og reglur Hafnarfjarðarbæjar
• Umsækjendur þurfa að hafa náð 20 ára aldri
• Góð íslensku -og enskukunnátta, B2 skv samevrópskum tungumálaramma

Aðrar upplýsingar um starfið

• Laun eru samkvæmt kjarasamningi Sambands íslenskra sveitarfélaga og Hlíf stéttarfélags
• Flokkstjórar hjá samstarfsfélögum Vinnuskóla Hafnafjarðar geta unnið að hámarki 231 klst yfir sumarið
• Vinnuvika starfsfólks Hafnarfjarðar er 36 klst

Umsóknafrestur er til og með 21. apríl nk.

Nánari upplýsingar veitir Maríanna Wathne Kristjánsdóttir, umsjónarmaður Vinnuskóla Hafnarfjarðar í gegnum netfangið mariannak@hafnarfjordur.is 

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika.