Sérfræðingur óskast í fullt starf í fjárreiðudeild hjá Hafnarfjarðarbæ. Um er að ræða tímabundið starf til eins árs í spennandi, krefjandi og metnaðarfullu starfsumhverfi.

Í fjárreiðudeild vinna nú tveir starfsmenn auk deildarstjóra. Fjárreiðudeild er ein fjögurra deilda inn á fjármálasviði, hinar eru hagdeild, reikningshalds- og uppgjörsdeild og innkaupadeild. Á fjármálasviði starfa 15 starfsmenn.

Helstu verkefni og ábyrgð:

• Umsjón og fyrirsvar vegna þjónustugjalda Hafnarfjarðarbæjar og fyrirtækja bæjarins
• Umsjón og yfirferð skráninga frístundagjalda
• Umsjón og eftirlit með kröfum í milli- og löginnheimtu
• Utanumhald og eftirlit með greiðslulausnum bæjarins
• Upplýsingagjöf og ráðgjöf til stjórnenda og starfsmanna
• Vinna við umbætur í rekstri og sjálfvirknivæðingu
• Úrvinnsla tölfræðilegra gagna og skýrslugerð
• Sinnir gjaldkerastörfum í fjarveru deildarstjóra
• Önnur verkefni samkvæmt starfslýsingu 

Menntunar- og hæfniskröfur:

• Grunnháskólamenntun (BS/BA) í viðskiptafræði, hagfræði eða sambærilegt nám
• Reynsla af sambærilegu starfi
• Þekking á fjárhagskerfi er skilyrði
• Reynsla af Business Central (Navision) er æskileg
• Góð tölvukunnátta, þ.m.t. kunnátta í Word, Excel, Power BI og geta til að tileinka sér tækninýjungar
• Þekking og áhugi á stafrænni þróunarvinnu er æskileg
• Góð samskipta- og samstarfshæfni
• Nákvæmni í vinnubrögðum og tölugleggni
• Frumkvæði, sjálfstæði og skipulagshæfni
• Góð íslensku- og enskukunnátta

 Nánari upplýsingar um starfið veitir Þórey Hallbergsdóttir, deildarstjóri fjárreiðudeildar, thoreyh@hafnarfjordur.is  

Laun eru skv. kjarasamningi Sambands íslenskra sveitarfélaga við Kjarafélag viðskipta- og hagfræðinga.

Umsóknarfrestur er til og með 28. október 2026.

Greinargóð ferilskrá og kynningarbréf fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.