Öldutúnsskóli auglýsir eftir umsjónarkennara á yngsta stigi

Um er að ræða tímabundna afleysingastöðu.

Í Öldutúnsskóla eru um 590 nemendur í 1.-10. bekk.

Í skólanum er lögð áhersla á skapandi og gefandi námsumhverfi þar sem leitast er við að gera námið í senn áhugavert og skemmtilegt. Við leggjum áherslu á góðan starfsanda, fjölbreytta kennsluhætti og öflugt samstarf. Teymisvinna og teymiskennsla skipa veigamikinn sess í skólastarfinu.

Einkunnarorð skólans eru virðing, virkni og vellíðan og starf skólans grundvallast á þeim gildum. Skólinn vinnur samkvæmt hugmyndafræði SMT um jákvæða skólafærni og Olweusaráætluninni gegn einelti og andfélagslegri hegðun. Einnig er lögð rík áhersla á umhverfismál.

Helstu verkefni og ábyrgð:

• Annast almenna kennslu og umsjón með nemendum á yngsta stigi
• Taka þátt í uppbyggingu og mótun á skólastarfi
• Stuðla að námi og velferð nemenda í samstarfi við foreldra og annað fagfólk skólans
• Vinna að þróun skólastarfs í samráði við stjórnendur og samstarfsfólk
• Starfa í samræmi við stefnu og gildi skólans
• Stuðla að góðum starfsanda og tryggja öryggi og velferð nemenda og starfsfólks
• Sinna öðrum verkefnum samkvæmt starfslýsingu

Menntunar- og hæfnikröfur:

• Leyfisbréf til kennslu (leyfisbréf skal fylgja umsókn)
• Reynsla af kennslu í grunnskóla æskileg
• Haldgóð þekking á kennslufræði námsgreina á yngsta stigi æskileg
• Áhugi og/eða reynsla af umsjónarkennslu
• Lipurð í samskiptum, sveigjanleiki og góð samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu skólaumhverfi
• Stundvísi og samviskusemi
• Góð íslenskukunnátta, að lágmarki á hæfniþrepi C1 samkvæmt samevrópska tungumálarammanum.

Skilyrði er að viðkomandi hafi hreint sakavottorð.

Nánari upplýsingar veita

Margrét Sverrisdóttir skólastjóri, í síma 664-5894 eða með tölvupósti á margret.sverrisdottir@oldutunsskoli.is

Áslaug Hreiðarsdóttir aðstoðarskólastjóri, með tölvupósti á aslaughr@oldutunsskoli.is

Nánari upplýsingar um skólann má finna á www.oldutunsskoli.is

Umsóknarfrestur er til og með 5. október 2026.

Greinargóð ferilskrá og leyfisbréf fylgi umsókn.

Laun eru samkvæmt kjarasamningi Sambands íslenskra sveitarfélaga og KÍ. 

Vakin er athygli á stefnu Hafnarfjarðarbæjar um að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.