Helgi 5: Raddbandið og Leikhópurinn Lotta í Jólaþorpinu okkar

Fimmta helgin ævintýri líkust

Já, helgin verður gullfalleg í Jólaþorpinu okkar. Þetta fimmta skipti verður með sína töfra og frábæra gesti. Raddbandið reddar jólunum í kvöld, Leikhópurinn Lotta sýnir kl. 16 á laugardag og Kór Öldutúnsskóla, afmæliskórinn sjálfur, verður á sviði á sunnudag. Við hlökkum til að sjá ykkur.

Kíkjum á upplifnunarhúsin, glerhýsin á Thorsplani: 

• Föstudag: Trefjar verða með eldstæðin sín 
• Laugardag: Kjötkompaní bíður gestum og gangandi uppá gómsætt jólasmakk, nýbakað hreindýrapaté og aðra ljúffenga forrétti á hátíðarborðið. 
• Sunnudag: Trefjar aftur  
• Alla helgina: Síminn verður í Jólaþorpinu í Hjarta Hafnarfjarðar nú um helgina. Sólon kíkir í heimsókn í Símaskálann og áritar plaköt fyrir börnin á laugardaginn klukkan 15:30. Starfsmenn Símans taka vel á móti þér, innan um vörur merktar Sólon, sniðugum jólagjöfum og almennri gleði. 

Ekki missa af gleðinni í Firði þar sem opnunarpartýin halda áfram. Nú verður Lemon með partý, laugardaginn 13. desember frá kl. 13-15. Dansaðu & djúsaðu í tilefni af opnun Lemon í Firði.  

Og dagskráin í Jólaþorpinu:

Föstudagur 12. desember 

• Kl.18:30 Raddbandið reddar jólunum – Jólin á suðupunkti 

Laugardagur 13. desember 

• Kl. 11           Jólaball Frikirkjunnar  
• Kl. 13 – 14 Jólasveinar á Byggðasafni Hafnarfjarðar 
• Kl. 15 – 16 Sykurpúðar á priki við Grýluhellinn hjá Pakkhúsi Byggðasafnsins 
• Kl. 16          Leikhópurinn Lotta  

Sunnudagur 14. desember 

• Kl. 15 – 16 Sykurpúðar á priki við Grýluhellinn hjá Pakkhúsi Byggðasafnsins 
• Kl. 15          Kór Öldutúnsskóla og litli kór Öldutúnsskóla 
• Kl. 15:30    Mosfellskórinn 
• Kl. 16          Ungleikhúsið 

En hvað er svo að finna í jólahúsunum í Jólaþorpinu? 

• Björk store er með leikföng og fatnað fyrir börn sem eru án allra aukaefna, framleitt með umhverfisvernd í huga.  
• Dunda.is býður upp á handverk frá skapandi Íslendingum. 
• Blueberry er með gullfallegt hátíðarskraut sem gleður bæði auga og sál. 
• Íslensk hollusta, sem fagnar 20 ára afmæli, sýnir vörur úr íslenskum berjum, jurtum og þara.  
• Bird.is verður með handtálgaða íslenska fugla – sérhvert stykki unnið af natni og hlýju fyrir unnendur íslenskrar náttúru 
• Helga Arnalds verður með handunna keramikmuni – aðventuljós, kertastjaka, bolla og skálar sem sameina fágaða list og notagildi. 
• Dýralæknastofa Hafnafjarðar tekur hlýlega á móti öllum dýravinum. Jólagjafir fyrir dýrin, jólamyndabás og hunda-jólalgögg!  

Þetta er alls ekki allt, því margt matarkyns verður á boðstólnum:  

• Helvítis býður bragðmiklar sultur og nýjungar úr íslensku hráefni. 
• Matarkompaní verður með villibráð og sósur. 
• A. Hansen bíður uppá allskonar góðgæti, heitt kakó og pylsur!  
• Sölvanes og Breiðagerði úr Skagafriði. Lífrænt sauðfjárbú og garðyrkjustöð koma með úrval af gæðavörum allt frá lambakjöti yfir í grænmeti, sultur og sölt!  
• Fiskás er með grafinn og reyktann villtan lax, fiskibollur og hrossabjúgu!  
• Lángos vagninn með ungverska rétti.  
• Sauðfjárbúið býður úrval af kofa- og taðreyktu hangikjöti í ýmsum útfærslum, tvíreyktu hangikjöti, kofa- og taðreyktu bjúgu, gröfnum ærvöðva og vönduðu kjötáleggi. 
• Turf House með franskar í nýrri og spennandi útfærslu.  
• Í miðjuhúsinu stendur Brikk vaktina en á boðstólnum verður Ali jólapylsa, Brikk jólapungar og Góu heitt súkkulaði svo eitthvað sé nefnt.   

Svo allt sætmetið í Jólaþorpinu: 

• Churros Wagon býður stökkar og heitar churros. 
• Önnu Konditori gleður með dönskum eplaskífum, smákökum og lagtertum. 
• Bæjarbakarí með bakstur og jólagómsæti. 
• Ísgerð Hafnarfjarðar verður með jóla- og áramóta ísinn klárann fyrir þig! Toblerone- og oreo-ís eða jafnvel sérlagaður piparkökuís Jólaþorpsins!