Komdu að njóta með okkur!

Jólaþorpið í Hafnarfirði opnaði um síðastliðna helgi þegar ljósin voru tendruð á Cuxhaven-jólatrénu!

Jólaþorpið iðar allt af lífi og fjöri fyrir jólin og fagurlega skreyttu hafnfirsku jólahúsin eru fyrir löngu orðin landsþekkt fyrir ýmisskonar spennandi gjafavöru, sælkerakrásir, handverk og hönnun. Þar er tilvalið að leita að hinni fullkomnu jólagjöf á meðan þú nýtur gómsætra veitinga sem ylja að innan. Jólasveinarnir koma í heimsókn um helgar og Grýla verður einnig á vappi um bæinn á sunnudögum. Strandgata breytist í göngugötu á meðan Jólaþorpið er opið.

————————————————————–

Kaffihús í Hellisgerði, Hjartasvell og tívolí

Jólaþorpið á Thorsplani í Hafnarfirði verður opið allar helgar frá og með 13. nóvember.

Föstudaga frá kl. 17-20
Laugardaga frá kl. 13-20
Sunnudaga frá kl. 13-18

Helliskaffi í Hellisgerði er opið miðvikudaga til sunnudaga til jóla.

Sérstök athygli er vakin á því að Hjartasvellið og tívolí við Venusarhúsið Strandgötu 11 eru opin allar helgar fram að jólum í takt við opnun Jólaþorpsins.

————————————————————–
Föstudagur 20. nóvember

Kl. 18 – Bæjarhátíð í Firði – verslanir opnar til kl. 20. Hafnarfjörður Barnvænt sveitarfélag – Ungmennaráð mun kveikja á Unicef hjarta í Firði.

Kl. 18:45 Söngstund með Sveinka í Jólaþorpinu

Kl. 19:15 Bæjarhátíð í Firði – Flugeldasýning frá Fjarðargötu beint á móti Firði

Laugardagur 21. nóvember

Kl. 14 – Gunni og Felix í Bókasafni Hafnarfjarðar, upplestur og áritun

Kl. 15 – Gunni og Felix og fjölskyldan – og börn úr Gaflóskólanum.

Sunnudagur 22. nóvember

Kl. 13 – 15 – Jólakózystund í Bunglaowi Byggðasafnsins. Skreytum piparkökur saman, Vesturgata 32.

————————————————————–
Þú finnur jólaandann hjá okkur

Jólabærinn og Jólaþorpið iða allt af lífi og fjöri fyrir jólin. Fagurlega skreyttu hafnfirsku jólahúsin á Thorsplani eru fyrir löngu orðin landsþekkt fyrir ýmisskonar spennandi gjafavöru, sælkerakrásir, handverk og hönnun.

Tilvalið er að leita að hinni fullkomnu jólagjöf í Jólaþorpinu á meðan notið er gómsætra veitinga sem ylja að innan. Jólasveinarnir koma í heimsókn allar helgar og Grýla verður á vappi um bæinn á sunnudögum.

Strandgata frá Lækjargötu að Linnetstíg breytist í göngugötu á meðan Jólaþorpið er opið. Það er gert til að dreifa umferð gangandi vegfaranda um miðbæinn og tryggja öryggi allra okkar góðu gesta.

Við erum jólabærinn Hafnarfjörður

Við tökum hlýlega á móti þér og þínum

Allt um jólabæinn Hafnarfjörð hfj.is/jol

Fylgdu okkur á Facebook og instagram !