Jökull Tandri Ámundason leiðir létta göngu um bæinn. Fjallað verður um víkinga þjóðveldisaldar, heiðinn sið og samtímavíkinga sem eru virkur hluti af bæjarlífi Hafnarfjarðar. Saga, heimspeki og skemmtun haldast í hendur á göngunni. Gengið verður frá Thorsplani.
Hafnarfjarðarbær býður upp á menningar- og heilsugöngur öll miðvikudagskvöld í sumar. Flestar göngurnar taka um klukkustund og hefjast kl. 20, nema annað sé tekið fram. Menningar- og heilsugöngur eru samstarfsverkefni Hafnarborgar, Byggðasafns Hafnarfjarðar, Bókasafns Hafnarfjarðar og Heilsubæjarins Hafnarfjarðar. Þátttaka er ókeypis og öll velkomin.
