Stór gámur fyrir málmumbúðir kominn á grenndarstöðina við Fjörð
Stór gámur fyrir málmumbúðir er kominn á grenndarstöðina við Fjörð. Tafir hafa orðið við fjölgun málmgáma á aðrar grenndarstöðvar í Hafnarfirði en þeim verður komið fyrir í seinasta lagi í mars 2024. Þangað til þurfa íbúar að sérflokka málmumbúðir á heimilum sínum og fara með þær á grenndarstöðina við Fjörð eða á endurvinnslustöðvar Sorpu.
Málm-, glerumbúðir, textíll og skilagjaldsskyldar umbúðir
Málmumbúðum (niðursuðudósir o.fl.), glerumbúðum (glerkrukkur o.fl.), textíl (öll föt sama hvaða ásigkomulagi þau eru og annar textíll) og skilagjaldsskyldum umbúðum (ef íbúar kjósa að styrkja Skátana) á að safna og skila á grenndarstöðvum. Einnig er hægt að fara með skilagjaldsskyldar umbúðir í Sorpu Endurvinnslustöðvar (sorpa.is) og í Flöskumóttöku Endurvinnslunnar Móttökustöðvar – Endurvinnslan.
Stór gámur fyrir málmumbúðir er kominn á grenndarstöðina við Fjörð. Tafir hafa orðið við fjölgun málmgáma á aðrar grenndarstöðvar í Hafnarfirði en þeim verður komið fyrir í seinasta lagi í mars 2024. Þangað til þurfa íbúar að sérflokka málmumbúðir á heimilum sínum og fara með þær á grenndarstöðina við Fjörð eða á endurvinnslustöðvar Sorpu.
Grenndarstöðvar
Það eru grenndargámar á sex stöðum í Hafnarfirði. Á öllum stöðum eru gámar fyrir pappír, plast og gler, auk fatagáma frá RKÍ og flöskugáma frá Skátunum á einhverjum þeirra. Stór málmgámur er staðsettur við grenndarstöðina við Fjörð.
· Tjarnarvellir, við Bónus
· Hlíðarberg, við Iceland
· Miðvangur, við Nettó
· Hólshraun, við Fjarðarkaup
· Sólvangsvegur, við Sólvang
· Fjarðargata, við Fjörð
Í vinnslu eru uppsetning grenndargáma á Hvaleyrarholti, Áslandi og ein stöð miðsvæðis fyrir Skarðshlið, Hamranes og Ásland 4.
Endurvinnslustöðvar
Spilliefni, málmar, timbur, húsbúnaður og aðrir stórir og þungir hlutir eiga að fara á gámastöðvar Sorpu.
Tenglar með ítarlegri upplýsingum
Sorphirða | Hafnarfjörður (hafnarfjordur.is)
Nýtt flokkunarkerfi (sorpa.is)
Takk fyrir að flokka!