Aðdragandi jóla í Nýsköpunarsetrinu við Lækinn

Jólaundirbúningurinn á Nýsköpunarsetrinu

Aðdragandi jóla verður enn betri með þéttri dagskrá í Nýsköpunarsetrinu við Lækinn. Fjöldi viðburða verður og ljóst að viðburðirnir í húsinu eru frábær viðbót við yndislega dagskrá í aðdraganda jólanna hér í Hafnarfirði. Kíkjum á.

28. nóvember kl. 16:00: Tendrað á jólamyndunum

Á hverju ári, þegar desember nálgast og myrkrið leggst yfir bæinn, fær ein sérstök hefð nýtt líf í Nýsköpunarsetrinu við Lækinn. Þá eru teknar fram dýrmætar jólamyndir sem fyrrum nemendur Lækjarskóla sköpuðu fyrir áratugum síðan. Þið eruð hjartanlega velkomin á þessa hátíðlegu stund þegar tendrað verður á

Notaleg stemning, tónlist, heitt kakó og jólasveinn kemur kannski í heimsókn.

Komið og hefjið jólin með okkur – jólagleði fyrir alla fjölskylduna!

1. des-23. des: Jólaland í Kubbinum

Jólaland Kubbsins opnar í fyrsta sinn í ár. Gestum er boðið að stíga inn í fallegt, hlýlegt og bjart jólarými sem gleður unga sem og aldna. Sýningarsalur Nýsköpunarsetursins við Lækinn verður opinn alla daga frá kl. 09:00–22:00 yfir hátíðarnar.

Við hvetjum öll til að koma við, rölta um jólalandið, njóta jólaskreytinga og fá sér kaffi eða heitt kakó í rólegheitum.

3. des kl. 15-19: Opin smiðja- jólapeysu smiðja

Milli kl. 15:00 og 19:00 opnar tæknismiðjan í Nýsköpunarsetrinu dyr sínar fyrir öllum sem langar að hanna sína eigin jólapeysu. Með aðstoð starfsfólks og tækja eins og vínylskera og hitapressu getur þú búið til einstaka peysu – eða jafnvel skreytt taupoka eða annað bómullarefni.

Einungis er greitt fyrir efnivið. Koma má með eigin peysu eða flík til að skreyta.

Hlýtt og notalegt andrúmsloft, heitt á könnunni og góð stemning bíður þeirra sem vilja sameina sköpunargleði og jólaanda. Vertu með!

5. des: Jólamarkaður kl. 17-20

Vantar þig enn að klára að kaupa jólagjafir? Þarftu að losa þig við flík eða finna jóladressið? Eða langar þig einfaldlega að selja listaverkin þín?

Þann 5. des kl. 17:00-20:00 býður Nýsköpunarsetrið á jólamarkað í Kubbinum. Þar gefst þátttakendum og gestum tækifæri á að finna, jólaskraut, fatnað og listaverk eða jólagjöfum, á umhverfisvænan og skapandi hátt- með því að skipta, selja eða kaupa á viðráðanlegu verði.

Öll eru  hvött til að koma með notaðar, heillegar og snyrtilegar vörur, jafnvel í anda jólanna og taka þátt í að skapa fallega og sjálfbæra jólahefð.

Listafólki gefst einnig kostur á að selja eigin verk í þessu hlýlega og fjölbreytta umhverfi – frábær leið til að styðja við heimafólk og finna einstakar jólagjafir með persónulegu ívafi.

Við hlökkum til sjálfbærra og skapandi hátíða, með þinni hjálp!

10. des: Opin smiðja kl. 15-19- DIY jólagjafir og kortagerð

Milli kl. 15:00 og 19:00 opna tæknismiðjan og tilraunarsmiðjan í Nýsköpunarsetrinu dyr sínar fyrir almenningi og bjóða í skapandi jólastund. Komdu í að gera DIY jólagjafir eða kortagerð – nýttu aðstöðuna, prófaðu þrívíddarprentara, laserskera eða vínylskera, eða einfaldlega málaðu og hannaðu fallegt verk frá hjartanu. Starfsfólk á staðnum er reiðubúið að aðstoða og leiðbeina.

Greitt er eingöngu fyrir efnivið – hlýtt og notalegt andrúmsloft, heitt á könnunni og góð stemning bíða allra sem vilja sameina sköpunargleði og jólaanda.

Vertu með og skapaðu þínar eigin jólagjafir!

13. des: Athvarfið Lækur býður í loka listasýningu kl. 13-15

Athvarfið Lækur, sem er athvarf fyrir fólk sem vill rjúfa félagslega einangrun, heldur opnunarsýningu þar sem sjá má afrakstur fjölda listamanna sem eiga það öll sameiginlegt að vera tíðir gestir á Læk. Verkin voru unnin í haust undir handleiðslu starfsfólks Nýsköpunarsetursins, þar sem þátttakendur fengu tækifæri til að þróa hæfileika sína og skapa einstök verk. 

Kaffi og piparkökur í boði. Gestir fá tækifæri til að hitta og spjalla við listafólkið á bak við verkin og listferlið sjálft. Sýningin stendur yfir til 21. desember. Öll velkomin.

17. des: Opin smiðja kl. 15-19- Jólaskraut

Frá kl. 15:00 til 19:00 verða tæknismiðjan og tilraunarsmiðjan í Nýsköpunarsetrinu opin öllum sem vilja skapa sitt eigið jólaskraut. Hér færðu tækifæri til að hanna einstök skraut – hvort sem það er úr tré, plasti, vínyl eða öðru efni sem fangar jólaandann.

Hægt er að nýta þrívíddarprentara, laserskera eða vínylskera, eða einfaldlega grípa í pensil og skreyta á sinn hátt. Starfsfólkið á staðnum er ávallt tilbúið að leiðbeina og hjálpa hugmyndinni að verða að veruleika.

Aðeins er greitt fyrir efnivið, en með í pakkanum fylgir hlýleg jólastemning og sköpunargleði í loftinu.

19. des: Listasýning

Pop-up listasýning verður haldin í Kubbinum í Nýsköpunarsetrinu við Lækinn þann 19. desember .

Frekari upplýsingar verða auglýstar síðar – haltu dagsetningunni frá! ✨

22. des- Opið hús frá 13-19- Jólafögnuður!

Þér og þínum er boðið í huggulega jólafögnuðinn okkar þann 22. desember. Fögnuðurinn hefst kl. 13:00 og stendur yfir til kl. 19:00 í fallega húsinu okkar við Lækinn. Komið með börnin, fjölskyldu eða vini og eyðið streitulausum, notalegum og skemmtilegum eftirmiðdegi, þar sem jólaandi, sköpun og samvera mætast.

Dagskráin er fjölbreytt og öllum er velkomið að skoða rýmið, kynnast húsinu og taka þátt í hátíðlegum viðburðum dagsins.

Í Hreiðrinu verður sýnd jólamynd þar sem gestir geta notið afslappaðar stemningar í hlýju umhverfi. Í húsinu finnst innpökkunarborð þar sem gestir geta pakkað inn jólagjöfum sínum á fallegan og skapandi hátt.

Í Tæknismiðjunni og Tilraunarsmiðjunni fer fram jóla- og kortasmiðja, þar sem allir geta látið sköpunarkraftinn njóta sín og útbúið einstakar gjafir eða kort.

Heitt kakó og kaffi, piparkökur í Bollanum og jólatónlist sem ómar um ganga skapa hlýlegt og notalegt andrúmsloft. Listasýningar í húsinu standa enn yfir og Jólaland er opið fyrir alla gesti.

Komið og finnið hlýjuna á köldum vetrardegi, njótið fagurs jóla umhverfis og fagnið jólunum með okkur í Nýsköpunarsetrinu.

Fjölskyldur og börn hjartanlega velkomin!