Gjafir og hönnun í gullfallegu Strand 49

Jólin lita Strand 49

„Jólin eru okkar tími,“ segir Klara Lind Þorsteinsdóttir, eigandi verslunarinnar Strand 49 ásamt vinkonu sinni Birnu Harðardóttur. Strand 49 er glæsileg gjafa- og hönnunarvöruverslun fyrir alla aldurshópa á  Strandgötu 49 í Hafnarfirði. Verslunin tók við af Álfagulli á árinu og hefur haldið í andann og stækkað.

„Við fórum einnig í Gatsby-rýmið við hliðina,“ segir Klara. „Fólk er ótrúlega áhugasamt um húsið og ljóst að það kemur við hjartað á Hafnfirðingum enda er það friðað. Hér var áður nýlenduvöruverslunin Einarsbúð og nú opnum við á milli rýma eins og þá.“

Já, hús verslunarinnar hefur mikla sögu sem nær allt aftur til ársins 1907. Strand 49 heldur í anda hússins, upplifunin er hlýleg og þar mætast gamli og nýi tíminn gullfallega.

„Jólin er aðaltími verslana og mikið líf í Hafnarfirði. Við hlökkum til að taka á móti fólki með heitt á könnunni og sætan bita á meðan það velur gjafirnar fyrir sitt fólk,“ segir Klara.

Klara og Birna reka verslunina Strand 49 við Strandgötu 49. Gullfalleg gjafa- og hönnunarvara sem nýtur sín í friðuðu húsinu.

Jólablað Hafnarfjarðar 2024 – vefútgáfa: