Nýjar reglur um félagslegt húsnæði

Félagsleg húsnæði ein meginstoðin

Nýjar reglur um félagslegt leiguhúsnæði hafa tekið gildi hér hjá Hafnarfjarðarbæ, en úthlutunin er ein af meginstoðum velferðarþjónustu.

Í nýuppfærðu reglunum hefur nýjum kafla verið bætt við.  Hann varðar úthlutun á húsnæði fyrir fatlað fólk í samræmi við lög um þjónustu við fatlað fólk (nr. 38/2018) með langvarandi stuðningsþarfir og reglugerð um húsnæðisúrræði fyrir fatlað fólk (nr. 370/2016). Reglurnar hafa verið skilgreindar betur og skerptar.

Breyting frá fyrri reglum:

• Eingöngu er hægt að sækja um eina tegund húsnæðis.
• Ákvæði um að umsækjandi eigi lögheimili í Hafnarfirði fellur út. Umsækjendur fá stig að hafa haft lögheimili í 12 mánuði eða lengur.
• Gerð er krafa um að í það minnsta 6 mánuðir séu eftir af gildistíma dvalarleifis
• Umsækjandi skal ekki vera eigandi húsnæðis.
• Ákvæði vegna eldri vanskila á húsaleigu.
• Leigusamningar verða nú ótímabundir frá upphafi leigutíma, voru áður tímabundir til sex mánaða.
• Fermetraverð fylgir mánaðarlegum breytingum vísitölu neysluverðs til verðtryggingar.
• Leigutaki í sértæku húsnæði fyrir fatlað fólk, skal gera sérstakan samning um þjónustu og stuðning sem veittur er.
• Flutningur milli íbúða: Ítarlegri skoðun á núverandi íbúð, leigugreiðslur og umgengni/kvartanir.

Forgangsröðun og úthlutun:

• Úthlutað er eftir fjölskyldustærð, líkamlegu heilsufari umsækjenda og fjölskyldumeðlima.
• Umsækjandi sem fær úthlutað húsnæði, hefur tvo daga til að staðfesta húsnæðið, var áður sjö dagar.
• Hafni umsækjandi úthlutun tvisvar án málefnalegra ástæðna, verður umsókn lokað.

Fjölskylduráð hefur heimildir til að veita undanþágu frá reglum.

• Lestu nýju reglurnar hér