Nýr samningur undirritaður við MsH

Hafnarfjarðarbær og Markaðsstofa Hafnarfjarðar skrifuðu á dögunum undir áframhaldandi samkomulag um samstarf á sviði atvinnu- og markaðsmála. Eitt af hlutverkum Markaðsstofu Hafnarfjarðar er að efla atvinnuþróun og starfa að markaðsmálum í Hafnarfirði í nánu samstarfi við atvinnulíf, sveitarfélag og aðra þá sem vilja stuðla að uppbyggingu í bænum í þeim tilgangi að bæta ímynd svæðisins og auka eftirspurn eftir hvers konar þjónustu eða atvinnustarfsemi á svæðinu.

Öflugur vettvangur fyrir samvinnu og samskipti

Markaðsstofa Hafnarfjarðar mun í verkefnum sínum leggja ríka áherslu á að efla núverandi atvinnulíf með öflugri upplýsingagjöf og kynningum, skapa vettvang fyrir samskipti og samvinnu á milli fyrirtækja, s.s. með fyrirtækjaheimsóknum, upplýsingagjöf og ýmsum fræðslumöguleikum, samhliða því að kynna Hafnarfjörð sem ákjósanlegan stað fyrir rekstur nýrra fyrirtækja eða fyrirtækja víðsvegar um landið sem eru að leita að nýjum stað fyrir rekstur sinn.

Rósa Guðbjartsdóttur, bæjarstjóri og Örn H. Magnússon, stjórnarformaður markaðsstofunnar skrifa undir samninginn.

Andri Ómarsson, verkefnastjóri hjá Hafnarfjarðarbæ og áheyrnarfulltrúi Hafnarfjarðarbæjar í stjórn markaðsstofunnar, Thelma Jónsdóttir framkvæmdastjóri Markaðsstofu Hafnarfjarðar, Örn H. Magnússon formaður stjórnar Markaðsstofu Hafnarfjarðar, Rósa Guðbjartsdóttir bæjarstjóri og Sigurður Nordal sviðsstjóri stjórnsýslusviðs hjá Hafnarfjarðarbæ.