Reisa sex metra öryggisgirðingu hjá Keili

Öryggi aukið á golfvelli Keilis

Vinna er hafin við að reisa öryggisgirðingu við höggæfingasvæði golfklúbbsins Keilis, Hraunkots. Ekki er vanþörf á. Alls eru 25-30 þúsund högg slegin á æfingasvæðinu dag hvern og hætta þegar boltarnir fara af leið. Þessum tugþúsundum bolta er svo safnað saman í dagslok.

„Aðsóknin á höggæfingarsvæðið hefur tvöfaldast á aðeins tveimur árum,“ segir Ólafur Þór Ágústsson, framkvæmdastjóri Keilis. „Það kemur fyrir að fólk skjóti kúlum í starfsmenn, gesti og gangandi. Með nýju girðingunni er öryggi tryggt,“ segir hann. „Við komu  í veg fyrir að kúlur fljúgi í fólk, dýr, hús og bíla.“

Já, það er vinsælt að koma við á Keilisvelli, fá fötu með 30, 50 eða 70 boltum og skjóta út á æfingarsvæðið. Útsýnið af vellinum er stórbrotið.

Brýnnt að bæta öryggið

Hafnarfjarðarbær féllst á að brýnna úrbóta væri þörf og greiðir 80% kostnaðar við öryggisgirðingarnar. Kostnaðaráætlunin hljóðar upp á 39,4 milljónir króna. Stefnt er að því að framkvæmdum ljúki á næsta ári. Starfsemin heldur áfram óskert á meðan.

„Staðan er krefjandi en gengur,“ segir Ólafur Þór. „Öryggisgirðingarnar verði tilbúnar á einum mánuði. Undirbúningur og annað hefur tekið mun lengri tíma,“ segir Ólafur Þór. Girðingin smíðuð erlendis en sett upp á staðnum á um mánuði; sex metra há.

„Hluti af verkefninu er svo að skipta um hurðir sem loka af sláttuskýlið.“

Ólafur Þór Ágústsson, framkvæmdastjóri Keilis, og Valdimar Víðisson bæjarstjóri rita undir samning um nýjar öryggisgirðingu á æfingasvæði golfklúbbsins.

Ólafur Þór segir aðstöðuna fullnýtta allan daginn, frá morgni til kvölds, jafnvel á nóttinni. En hvað skýrir þessa miklu fjölgun æfingahögga?

„Ástæðan er að sett voru upp greiningartæki í hvern bás, sem jókst vinsældirnar. Það er skemmtilegra því nú er hægt að sjá hvað boltinn flýgur langt, hratt, vitlaust eða rétt. Þetta er nútímavæðing og hefur aukið áhuga fólks á öllum aldri,“ segir hann.

„Þetta er alvöru rokk og völlurinn hvítur af boltum eftir daginn.“