Hvaleyrarskóli óskar eftir að ráða skóla- og frístundaliða í Bjarg í 70% starf út skólaárið 2026-2027.

Ráðið er í stöðuna sem fyrst.

Um er að ræða starf sem felur í sér stuðning og aðstoð við nemendur í Bjargi sem er deild innan skólans fyrir nemendur í leit að alþjóðlegri vernd. Sérstök áhersla er lögð á að koma til móts við alla hópa.

Í Hvaleyrarskóla eru um 350 nemendur í 1. til 10. bekk. Einkunnarorð skólans eru ábyrgð, kurteisi og samvinna og endurspeglast allt skólastarfið í þessum orðum. Í skólanum er unnið samkvæmt SMT-skólafærni sem þýðir að áhersla er lögð á að nálgast nemendur á jákvæðan hátt, gefa góðri hegðun meiri gaum og skapa þannig jákvæðan skólabrag. Hvaleyrarskóli er jafnframt heilsueflandi grunnskóli og vinnur eftir Olweusaráætluninni gegn einelti. Hvaleyrarskóli er skóli margbreytileikans þar sem lögð er rækt við fjölmenningu.

Skólinn vinnur samkvæmt hugmyndafræði SMT, Olweus og markvissar málörvunar ásamt áherslu á skák- og sviðslistarkennslu.

Nánari upplýsingar um skólann má einnig finna á heimasíðunni http://www.hvaleyrarskoli.is.

 Helstu verkefni og ábyrgð:

• Er stuðningur við börn í kennslustundum og á opnum svæðum
• Vinnur náið með kennurum í Bjargi (deild fyrir nemendur er óskað hafa alþjóðlegrar verndar)
• Tekur á móti nemendum og aðstoðar
• Sinnir gangavörslu og eftirliti með húsnæði og búnaði, heldur göngum og snyrtingum snyrtilegum yfir daginn
• Sinnir frímínútnagæslu, fylgd og gæslu í daglegu skólastarfi
• Fylgist með og aðstoðar börnin í leik og starfi
• Önnur verkefni samkvæmt starfslýsingu

Menntunar- og hæfniskröfur:

• Ekki er gerð krafa um ákveðna menntun
• Reynsla af sambærilegum störfum æskileg
• Áhugi á faglegu starfi með börnum og unglingum
• Íslenskukunnátta A2 samkvæmt samevrópskum tungumálaramma
• Spænskukunnátta er kostur
• Samstarfs- og samskiptahæfni
• Sjálfstæð og skipulögð vinnubrögð
• Hæfni til að aðlagast breyttum aðstæðum

Gerð er krafa um hreint sakavottorð við ráðningu.

Nánari upplýsingar um starfið veita Kristinn Guðlaugsson, skólastjóri, kristinn@hvaleyrarskoli.is í síma 664-5833, Friðþjófur Helgi Karlsson, deildarstjóri Bjargs, fridthjofurk@hvaleyrarskoli.is í síma 863 6810 eða í síma skólans 565-0200.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 2. október 2026.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.