Viltu koma í Verkherinn? Opið fyrir umsóknir

Atvinnutengt sumarúrræði fyrir ungt fólk með fötlun

Verkherinn er atvinnutengt sumarúrræði fyrir ungt fólk með fötlun eða skerta starfsgetu. Flest fara út á almennan vinnumarkað einhvern tímann á lífsleiðinni. Sumarúrræði Verkhersins er góður undirbúningur fyrir það sem koma skal og gefur ungmennum tækifæri á að spreyta sig við vinnu á vinnustöðum og taka þátt í skemmtilegu námskeiði. Verkherinn er með aðstöðu í Húsinu, við Suðurgötu 14, 220 Hafnarfirði. Gengið er inn Strandgötumegin.

Hverjir geta sótt um atvinnu í Verkhernum?

Ungmenni með fatlanir eða skerta starfsgetu á aldrinum 16 – 20 ára geta sótt um í Verkhernum. Unnið er fyrir hádegi alla virka daga og býðst ungmennum tækifæri á að taka þátt í félagsstarfi eða frístundarstarfi eftir hádegi.

Hvað er gert í Verkhernum?

Unnið er í samstarfi við fyrirtæki í bænum. Undanfarin ár hefur Verkherinn verið í samstarfi við til dæmis verslanir, Bókasafn Hafnarfjarðar, leikskóla, sundlaugar bæjarins og fleiri. Einnig er í boði einstaklingsmiðað starf þar sem verkefni eru sniðin eftir þörfum og starfsgetu hvers og eins.

Tímabil Verkhersins

Verkherinn hefst þann 27. maí og lýkur 15. ágúst. Hægt er að skipta niður dögum og vikum yfir allt tímabilið eða taka allar vikurnar í einu. Ungmenni hafa tækifæri á að vinna í 8 vikur á 12 vikna tímabili.

Hvernig er sótt um atvinnu í Verkhernum?

Til þess að sækja um þarf að fylla út rafrænt skjal. Þeir sem lenda í vandræðum með umsóknarferlið geta sent póst á netfangið: sandrabjork@hafnarfjordur.is

Umsóknarfrestur er til 26 mars.

Fyrir frekari upplýsingar er hægt að hafa samband við:

• Guðbjörg Magnúsdóttir, forstöðumaður
  gudbjorg@hafnarfjordur.is
  S: 664-5766
• Sandra Björk Halldórsdóttir, deildarstjóri Vinaskjóls og Verkhersins
  sandrabjork@hafnarfjordur.is
  S: 664-5547