Besta ár Hafnarfjarðarbæjar á vefnum

650.000 heimsóknir á árinu 2023

Vefur Hafnarfjarðarbæjar var heimsóttur rúmlega 650.000 á árinu 2023 sem er 24% aukning milli ára og gerir árið að langsamlega besta ári bæjarins á vefnum. Ný vefmæling Google var tekin í notkun á árinu sem skilar enn nákvæmari tölum. Júní 2023 var til að mynda stærsti mánuðurinn í sögu vefsins með 79.600 heimsóknir.

Helstu niðurstöður úr vefgreiningu ársins eru:

• Vefur Hafnarfjarðarbæjar var heimsóttur rúmlega 650 þúsund sinnum á árinu sem er 24% aukning milli ára og gerir árið að langsamlega besta ári bæjarins á vefnum
• Konur eru áfram meirihluti þeirra sem sækja vefinn heim og auka aðeins hlut sinn borið saman við fyrra ár. Aldursskipting helst tiltölulega óbreytt
• Líkt og síðustu ár eru leitarvélar (f.o.f. Google) helsta uppspretta heimsókna á vefinn
• Mest sóttu síður vefsins eru: Laus störf, fundargerðir, leit, kort af bænum, sorphirða, starfsfólk og fréttir og tilkynningar
• Alls voru lesnar tæplega 200 þúsund fréttir
• Júní var lang stærsti mánuðurinn í lestri viðburða með 17. júní og Hjarta Hafnarfjarðar í fararbroddi

Hafnarfjarðarbær þakkar sýndan áhuga og lestur og lætur sér þetta að hvatningu verða!

Kynnið ykkur vefumferð ársins 2023

Sjá lifandi vefmælingu og eldri vefgreiningaskýrslur.