Leiðrétting á lóðarleigu 12 lóða á hafnarsvæðinu

Um ármót var gerð sú breyting að bæjarsjóður Hafnarfjarðarkaupstaðar tók að sér að annast bókhald og fjárreiður Hafnarfjarðarhafnar  sem m.a. felur í sér innheimtu lóða- og fasteignagjalda fyrir Hafnarfjarðarhöfn.

Markmiðið með breytingunni var að allar stofnanir bæjarins væri í sama bókhaldskerfi og að sömu ferlar væru notaðir þegar kemur að bókhaldi bæjarins.

Við breytinguna kom í ljós að skráning 12 lóða í eigu Hafnarfjarðarhafnar var röng sem leiddi af sér að lóðarleigan var tvíinnheimt, þ.e. Hafnarfjarðarkaupstaður innheimti lóðarleigu skv. gjaldskrá og einnig Hafnarfjarðarhöfn . Leiðréttingin er að mestu vegna tveggja síðustu ára en nær þó lengra aftur í tímann.

„ Við biðjumst velvirðingar á þessu og nú þegar er  búið  að bregðast við og leiðrétta álagningu lóðanna vegna 2015, skráning verður leiðrétt hjá fasteignaskrá og viðkomandi eigendum lóðanna hefur verið sent bréf  og  í kjölfarið verða of rukkuð gjöld endurgreidd og nemur sú upphæð alls 15.5 m.kr. “ segir Haraldur L. Haraldsson bæjarstjóri.