Hafnarfjarðarbær óskar eftir að ráða deildarstjóra barnaverndar sem heyrir undir fjölskyldu- og barnamálasvið. Um fullt starf er að ræða. 

Deildarstjóri barnaverndar er hluti af stjórnendateymi sviðsins og heyrir beint undir sviðsstjóra. Viðkomandi ber ábyrgð á því að fagleg vinnubrögð séu í starfi deildarinnar og tekur, ásamt öðrum stjórnendum, þátt í stefnumótun og innleiðingu nýjunga.

Á síðasta ári samþykkti Alþingi framkvæmdaáætlun í barnavernd 2023-2027 sem miðar að umfangsmikilli endurskoðun og úrbótum á þjónustu við börn. Næstu árin munu barnaverndarþjónustur sveitarfélaganna, mennta- og barnamálaráðuneytið og Barna- og fjölskyldustofa vinna samkvæmt áætluninni að aðgerðum í samstarfi við helstu aðila sem að þjónustunni koma. Þá verður áfram unnið að innleiðingu farsældarlaga innan sveitarfélagsins í samstarfi við mennta- og lýðheilsusvið sem og aðra hagaðila.   

Hafnarfjarðarbær leggur áherslu á samstarf með heildarsýn að leiðarljósi sem og metnaðarfullt og faglegt starf í þágu bæjarbúa. 

Helstu verkefni og ábyrgð

• Ábyrgð á daglegum rekstri, áætlanagerð, mannaforráð og starfsemi deildarinnar
• Vinnur í samstarfi við deildir innan sviðsins og þvert á svið Hafnarfjarðarbæjar
• Þátttaka í fjárhagsáætlanagerð og ber ábyrgð á að rekstur deildarinnar sé innan fjárhagsáætlunar
• Þátttaka í stefnumótun sviðsins
• Leiðir starf barnaverndarteymis, úthlutar verkefnum og leggur mat á tilkynningar
• Ábyrgð á vinnslu barnaverndarmála og ákvörðun hvaða mál fara fyrir umdæmisráð
• Þátttaka í þróun og eflingu á þjónustuþáttum deildarinnar
• Hefur frumkvæði að og hvetur til þróunar nýrra úrræða til að mæta þörfum barna og fjölskyldna þeirra
• Önnur verkefni samkvæmt starfslýsingu og sem yfirmaður felur viðkomandi

Menntunar- og hæfniskröfur:

• BS/BA próf sem nýtist í starfi
• Meistarapróf í félagsráðgjöf, sálfræði eða lögfræði eða mjög víðtæk starfs- og stjórnunarreynsla á sviði velferðarmála
• Reynsla af félagsþjónustu sveitarfélaga er æskileg
• Reynsla af barnaverndarstarfi er skilyrði
• Farsæl reynsla af rekstri og stjórnun mannauðs
• Reynsla af þverfaglegu samstarfi og samstarfi stofnana
• Reynsla af þróun og innleiðingu nýrra ferla
• Mikil hæfni í mannlegum samskiptum og góð félagsleg færni
• Leiðtogafærni, frumkvæði, skipulagshæfileikar og sjálfstæð vinnubrögð
• Góð íslenskukunnátta í ræðu og riti

Nánari upplýsingar veita Thelma Kristín Kvaran, ráðgjafi hjá Intellecta (thelma@intellecta.is) og Guðlaug Ósk Gísladóttir, sviðsstjóri fjölskyldu- og barnamálasviðs, gudlaugg@hafnarfjordur.is eða í síma 585-5500

Launakjör eru samkvæmt kjarasamningi Sambands íslenskra sveitarfélaga við BHM.

Umsóknarfrestur er til og með 29. apríl 2024.

Umsókn óskast fyllt út á www.hafnarfjordur.is og þarf henni að fylgja ferilskrá og ítarlegt kynningarbréf þar sem gerð er grein fyrir hæfni umsækjanda sem nýtist í starfi. Öllum umsóknum verður svarað að ráðningu lokinni.

Vakin er athygli á stefnu Hafnarfjarðarbæjar um að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.