Styrkir bæjarráðs – fyrri úthlutun 2023

Umsóknarfrestur er til 15. maí 2023

Bæjarráð veitir ár hvert félagasamtökum, fyrirtækjum eða einstaklingum styrki til starfsemi og þjónustu sem fellur að hlutverki sveitarfélagsins eða telst á annan hátt í samræmi við stefnumörkun, áherslur og forgangsröð sveitarfélagsins. Úthlutun styrkja fer fram tvisvar á ári og nú er komið að fyrri úthlutun ársins í ár.

Einhver hafnfirsk tenging er skilyrði

Umsækjendur verða að tengjast Hafnarfirði með einhverjum hætti. Til dæmis með fastri búsetu einstaklinga, með því að viðburðurinn eða verkefnið sem styrkt er fari fram í Hafnarfirði og/eða feli í sér kynningu á einhverju sem viðkemur sveitarfélaginu. Stofnun, fyrirtæki, félagasamtök og einstaklingar geta aðeins sótt um einu sinni á ári og eru viðburðir eða verkefni ekki styrkt eftir á.

Hér má finna reglur um styrkveitingar

Umsóknum skal skilað með rafrænum hætti í gegnum Mínar síður | Aðrar umsóknir | Umsókn um styrk til bæjarráðs
Auk almennra þátta skal eftirfarandi koma fram í umsókn:

• Markmið, lýsing og tilefni umsóknar
• Styrkupphæð
• Tíma- og verkáætlun
• Önnur fjármögnun
• Kostnaðaráætlun

Aðstoð við skráningu er hægt að fá í þjónustuveri bæjarins 585-5500 eða í gegnum netspjall á vef bæjarins – sjá neðst til hægri.