Tilgangur og hlutverk almannavarna

Í vikunni var boðið upp á kynningu á tilgangi  og hlutverki almannavarna, bæði á landsvísu og  á höfuðborgarsvæðinu. Framtakið er liður í að kynna almannavarnir fyrir nýrri almannavarnanefnd á höfuðborgarsvæðinu. Einnig fengu fulltrúar í neyðarstjórnum sveitarfélaganna, bæjar- og borgarfulltrúar og aðrir sem koma að almannavörnum eða neyðarstjórnun hjá sveitarfélögunum boð á kynningafundina. Haldnir voru tveir fundir með sömu dagskrá til að gera sem flestum tækifæri til að mæta til kynningar.

Fyrirferðarmikil verkefni, viðbragðsáætlanir, starfsáætlanir, hættumat, æfingar, fræðsla og prófanir

Farið var í uppbyggingu almannavarnakerfisins samkvæmt lögum, hlutverk aðgerðarstjórnar höfuðborgarsvæðisins, hlutverk almannavarnanefnda og fulltrúa í almannavarnanefnd. Einnig var farið yfir hlutverk neyðarstjórna sveitarfélaganna, en sveitarfélögin á höfuðborgarsvæðinu hafa starfrækt neyðarstjórnir frá árinu 2012. Neyðarstjórnirnar hafa marg sannað mikilvægi sitt í gegnum árin og nú síðast í heimsfaraldri. Einnig var farið yfir fyrirferðarmikil verkefni síðustu ára, meðal annars COVID-19, gróðurelda, viðbragðsáætlanagerðir og fleira. Einnig verkefni sem eru á döfinni svo sem gerð starfsáætlunar, hættumats, æfingar, fræðslu og prófana á viðbragðsáætlunum svo eitthvað sé nefnt.

Teymið hjá Slökkviliði höfuðborgarsvæðisins og lögreglunni á höfuðborgarsvæðinu. Á myndina vantar Höllu Bergþóru Björnsdóttur.

Lögreglustjórinn á höfuðborgarsvæðinu Halla Bergþóra Björnsdóttir ásamt aðstoðar lögreglustjóra Ásgeiri Þór Ásgeirssyni og framkvæmdastjóri almannavarnanefndarinnar, Birgir Finnsson og deildarstjóri almannavarna á höfuðborgarsvæðinu Þóra Kristín Ásgeirsdóttir sáum um fræðsluna.