Viltu koma í verkherinn?
Verkherinn er atvinnutengt sumarúrræði fyrir ungt fólk með fötlun eða skerta starfsgetu. Flest fara út á almennan vinnumarkað einhvern tímann á lífsleiðinni. Sumarúrræði Verkhersins er góður undirbúningur fyrir það sem koma skal og gefur ungmennum tækifæri á að spreyta sig við vinnu á vinnustöðum og taka þátt í skemmtilegu námskeiði.
Opið fyrir umsóknir til og með 25. apríl
Verkherinn er atvinnutengt sumarúrræði fyrir ungt fólk með fötlun eða skerta starfsgetu. Ungmenni með fatlanir eða skerta starfsgetu á aldrinum 16 – 20 ára geta sótt um í Verkhernum.
Atvinnutengt sumarúrræði fyrir ungt fólk með fötlun
Verkherinn er atvinnutengt sumarúrræði fyrir ungt fólk með fötlun eða skerta starfsgetu. Flest fara út á almennan vinnumarkað einhvern tímann á lífsleiðinni. Sumarúrræði Verkhersins er góður undirbúningur fyrir það sem koma skal og gefur ungmennum tækifæri á að spreyta sig við vinnu á vinnustöðum og taka þátt í skemmtilegu námskeiði. Einnig fer fram fjölbreytt fræðsla og hópefli. Verkherinn er með aðstöðu í Húsinu, við Suðurgötu 14, 220 Hafnarfirði.
Hverjir geta sótt um atvinnu í Verkhernum?
Ungmenni með fatlanir eða skerta starfsgetu á aldrinum 16 – 20 ára geta sótt um í Verkhernum. Unnið er fyrir hádegi alla virka daga og býðst ungmennum tækifæri á að taka þátt í félagsstarfi eða frístundarstarfi eftir hádegi.
Hvað er gert í Verkhernum?
Unnið er í samstarfi við fyrirtæki í bænum. Undanfarin ár hefur Verkherinn verið í samstarfi við til dæmis verslanir, Bókasafn Hafnarfjarðar, leikskóla, Krónuna, Húsasmiðjuna og fleiri. Einnig er í boði einstaklingsmiðað starf þar sem verkefni eru sniðin eftir þörfum og starfsgetu hvers og eins.
Tímabil Verkhersins
Verkherinn hefst 26. maí og er til 3. júlí og svo aftur frá og með 4. – 14. ágúst. Verkherinn lokar í 4 vikur frá og með 6. júlí og til 4. ágúst.
Vinnutími er frá klukkan 9-14:20 alla virka daga. Lokað er á rauðum dögum og um helgar.
Hvernig er sótt um atvinnu í Verkhernum?
Til þess að sækja um þarf að fylla út rafrænt skjal. Þeir sem lenda í vandræðum með umsóknarferlið geta sent póst á netfangið: verkherinn@hafnarfjordur.is
Fyrir frekari upplýsingar er hægt að hafa samband við:
- Auður Björk Kvaran, forstöðumaður: audurk@hafnarfjordur.is
- Sandra Björk Halldórsdóttir, deildarstjóri Vinaskjóls og Verkhersins: sandrabjork@hafnarfjordur.is