Hittu hamingjuna í Hafnarfirði í september

Hamingjudagar í Hafnarfirði 2026

Söngvarinn Valdimar mætir í Hellisgerði og heldur þar tónleika föstudagskvöldið 25. september. Tónleikarnir verða einn af hápunktum Hamingjudaga 2026, sem eru nú að hefjast í Hafnarfirði – Já, þeir standa allan septembermánuð.

Hamingjunni verður dreift víða um bæinn með hlaupum, útivist, söng, tónlist, jóga, sjóbaði, prjónakaffi og fróðlegri göngu. Allir ættu því að finna sína eigin leið að hamingjunni.

Dagskráin hefst þriðjudaginn 1. september þegar Krissi býður upp á tíu kílómetra samfylgd um bæinn í HamingjuHlaupi. Tveimur dögum síðar leiðir Rúnar Pálsson okkur um HamingjuHelgafell og föstudagskvöldið 4. september verður sannkallað HamingjuSöngpartý með Guðrúnu Árnýju í Hellisgerði. Eðalskemmtun sem enginn ætti að missa af.

Þeir sem vilja hægja á sér og finna hamingjuna í kyrrðinni geta tekið þátt í HamingjuJógaNidra í Hellisgerði 9., 12. eða 26. september. Þriðjudaginn 15. september verður svo HamingjuSjóbað með Glaðari Þú.

Á HamingjuPrjónakaffi á Ægi 220 sunnudaginn 20. september verða prjónar, spjall og notaleg samvera í aðalhlutverki. Jónatan Garðarsson leiðir síðan HamingjuGöngu miðvikudagskvöldið 23. september.

Dagskrá

• 1. september kl. 17:30 HamingjuHlaup – tíu kílómetrarnir hans Krissa
• 3. september kl. 17:30 HamingjuHelgafell með Rúnari Pálssyni
• 4. september kl. 20 HamingjuSöngpartý með Guðrúnu Árnýju í Hellisgerði
• 9. september kl. 17 HamingjuJógaNidra í Hellisgerði
• 12. september kl. 12 HamingjuJógaNidra í Hellisgerði
• 15. september kl. 17:30 HamingjuSjóbað með Glaðari Þú
• 20. september kl. 13–16 HamingjuPrjónakaffi á Ægi 220
• 23. september kl. 19 HamingjuGanga með Jónatani Garðarssyni
• 25. september kl. 20 HamingjuTónleikar með Valdimar
• 26. september kl. 12 HamingjuJógaNidra í Hellisgerði

Hamingjan leynist víða – en í september verður sérstaklega auðvelt að finna hana í Hafnarfirði.