Dagskráin í bænum okkar 17. júní

Já, hér verður gaman! Njótum saman

Skrúðganga, Víkingahátíð, þjóðbúningasamkoma og fjölmenningarleg matarhátíð verður meðal dagskrárliða í Hafnarfirði á þjóðhátíðardegi Íslendinga.

Dagskráin teygir sig frá morgni til kvölds. Hún hefst með því að fánar verða dregnir að húni kl. 8 að morgni á Hamrinum og endar með því að Jón Jónsson stígur á svið í lok tónlistarveislu við Ráðhústorg frá upp úr kl. 21.15. Tónlistarveislan hefst kl. 19. Þar koma Elín Hall, Elvar, Kristmundur Axel og gusgusar fram á undan Jóni.

Hjarta Hafnarfjarðar tekur kipp á þjóðhátíðardaginn. Hægt er að hitta Íþróttaálfinn og Sollu í firðinum fagra eins og svo mörg önnur því miðbærinn verður fullur af lífi, fjöri, list, tónlist.

Skrúðganga er frá Flensborgarskóla kl. 13 að Thorsplani og Ráðhústorgi þar sem hátíðin nær hámarki. Þar bíða skemmtiatriði, tónleikar, dans, diskó og dýrindis veitingar af ýmsum gerðum.

Boði er upp á sjósund og gufu, hægt er að kíkja á víkingana á Víkingahátíðinni, prófa hjólabretti eða jafnvel badminton. Einnig má sjá þjóðbúningasýningu Annríkis og taka þátt í brekkusöng barnanna kl. 17 í Hellisgerði.

Börnin geta notið sín í leiksmiðju á vegum Plánetu, fengið andlitsmálun á Hörðuvöllum eða á Thorsplani og svo verða hoppukastalar víða um bæinn. Listunnendur geta skoðað nýjar sýningar bæði í Hafnarborg og á Byggðasafninu. Frítt inn.

Við hvetjum bæjarbúa og gesti til að leggja bílum nálægt miðbænum og ganga inn á svæðið, njóta dagsins saman – og skilja hundana eftir heima 🐾.

Dagskrá frá morgni til kvölds

• Kl. 8:00 – Fánar dregnir að húni og fánahylling á Hamrinum
• Kl. 10:00 – 13:00 – Sjósund og sauna við Langeyrarmalir
• Kl. 10:00 – 14:00 – Brettafélag Hafnarfjarðar – opið hús 
• Kl. 11:00                  – Þjóðbúningasamkoma í Flensborg
• Kl. 11:00 – 18:00 – Víkingahátíð á Víðistaðatúni 
• Kl. 12:00 – 16:00 – Siglingaklúbbuirnn Þytur – opið hús
• Kl. 12:00-14:00 – Fjöltyngd fánasmiðja í Hafnarborg
• Kl. 12:30 – Fjallkonan 2026 skautuð í Hafnarborg 
• Kl. 13:00 – Skrúðganga frá Flensborgarskóla
• kl. 13:00-15:00 – Fjölmenningarleg matarhátíð GETU samtaka
• Kl. 13:00-17:00 – Tennisfélag Hafnarfjarðar á Víðistaðatúni
• Kl. 13:30 – Þjóðhátíðarsviðið við Ráðhústorg
  • Karlakórinn Þrestir
  • Ávarp fjallkonu
  • Setning hátíðarhalda
  • Prinsessurnar þrjár
  • Listdansskólinn
  • Ingó Töframaður
  • Ormstunga – Króli og Jakob
  • Latibær
  • Skoppa og Skrítla
  • DJ BFK

• Kl. 13:30-17:00
  • Íþróttahúsið Strandgötu
  • Hörðuvellir
  • Hellisgerði 
  • Strandgata, stræti og torg
  • Nýsköpunarsetrið við Lækinn
  • Ban Kúnn á Austurgötunni

• Kl. 14:00 – Tónleikar Lúðrasveitar Hafnarfjarðar við Byggðasafnið
• Kl. 15:00 – Þjóðbúningasýning Annríkis og myndataka við Hafnarborg
• KL. 17:00 – Brekkusöngur barnanna í Hellisgerði 

🎶 Dagskráin heldur áfram, en frá kl.19 verður tónlistarveisla við Ráðhústorg þar sem landsþekkt tónlistarfólk stígur á svið!

• Lúðrasveit verkalýðsins
• Elín Hall
• Elvar
• Kristmundur Axel
• gugusar
• Jón Jónsson

Finna má kort og lokanir hér

Verið öll hjartanlega velkomin – við sjáumst í Hafnarfirði 17. júní!