Öldutúnsskóli auglýsir eftir tómstundaleiðbeinanda í félagsmiðstöðina Ölduna

Langar þig að vinna með börnum og unglingum í skapandi og skemmtilegu umhverfi?

Við í Öldutúnsskóla leitum að drífandi, jákvæðum og kraftmiklum tómstundaleiðbeinanda til starfa í félagsmiðstöðinni Öldunni.

Í Öldutúnsskóla eru um 580 nemendur í 1.–10. bekk og leggjum við áherslu á virðingu, virkni og vellíðan í öllu skólastarfi.

Félagsmiðstöðin Aldan býður nemendum í 5.–10. bekk upp á fjölbreytt og metnaðarfullt tómstundastarf eftir að hefðbundnum skóladegi lýkur. Starfið byggir á unglingalýðræði, virkri þátttöku og öflugu forvarnastarfi. Þar fá börn og unglingar tækifæri til að taka þátt í opnu félagsstarfi, skipulagðri dagskrá, hópastarfi og fjölbreyttum viðburðum sem mótaðir eru í samstarfi þeirra og starfsfólks.

Starfið hentar sérstaklega vel fyrir skólafólk eða einstaklinga sem leita að fjölbreyttu og gefandi aukastarfi með börnum og unglingum.

Helstu verkefni

• Taka þátt í að skipuleggja og þróa fjölbreytta dagskrá í samstarfi við stjórnendur, samstarfsfólk og ungmenni.
• Eiga í góðum og virkum samskiptum við börn og unglinga og hvetja þau til þátttöku.
• Stuðla að jákvæðu, öruggu og uppbyggilegu félagslegu umhverfi sem byggir á virðingu og lýðræðislegum vinnubrögðum.
• Styðja við frumkvæði, félagsfærni og vellíðan barna og unglinga.
• Sinna öðrum verkefnum samkvæmt starfslýsingu tómstundaleiðbeinanda.

Menntunar- og hæfniskröfur

• Starfsþjálfun, námskeið og/eða starfsreynsla sem nýtist í starfi.
• Reynsla af starfi með börnum og unglingum er kostur.
• Frumkvæði, jákvætt viðmót og sjálfstæð vinnubrögð.
• Góð samskipta- og samstarfshæfni.
• Góð skipulagshæfni og stundvísi.
• Fjölbreytt áhugasvið sem nýtist í starfi með börnum og unglingum.
• Almenn tölvukunnátta.
• Góð íslenskukunnátta. Gerð er krafa um hæfniviðmið C1 samkvæmt viðmiðum Evrópska tungumálarammans.
• Hreint sakavottorð er skilyrði.

Nánari upplýsingar

Nánari upplýsingar veita:

Margrét Sverrisdóttir, skólastjóri

Sími: 664 5894

Netfang: margret@oldutunsskoli.is

Kristján Hans Óskarsson, deildarstjóri

Sími: 664 5712

Netfang: kristjan.oskarsson@oldutunsskoli.is

Umsóknarfrestur

Umsóknarfrestur er til og með 4. september

Ferilskrá skal fylgja umsókn.

Laun eru samkvæmt kjarasamningi Sambands íslenskra sveitarfélaga og Starfsmannafélags Hafnarfjarðar.

Hafnarfjarðarbær vinnur markvisst að jafnrétti og fjölbreytileika á vinnustöðum sínum og hvetur fólk af öllum kynjum og með fjölbreyttan bakgrunn til að sækja um starfið.